Parij-2024 medallari sifatsiz chiqdi 🥇

Parij shahrida bo'lib o'tgan 2024 yilgi yozgi Olimpiya va Paralimpiya o'yinlarining yuzdan ortiq sovrindorlari o'zlariga berilgan medallarni qaytarib berishdi. Bunga ushbu nufuzli mukofotlarning sifati jiddiy darajada past ekanligi sabab bo'lgan. Fransuz matbuotida tarqalgan ma'lumotlarga ko'ra, yuzaga kelgan sharmandali vaziyat ortidan Parij tanga saroyida jiddiy kadrlar bo'yicha tozalash ishlari o'tkazilib, uch nafar yetakchi mutaxassis egallab turgan lavozimidan ozod etilgan.

Medallarning yaroqsiz holatga kelib qolgani haqidagi ilk shikoyatlar sportchilar tomonidan bildirilgan edi. Xususan, fransuz suzuvchisi Maksim Grusse hamda amerikalik skeytburch Nijja Xyuston o'z mukofotlari tez fursatda buzilib qolganidan ochiqcha shikoyat qilishgan. Ularning ta'kidlashicha, taqdirlash marosimidan keyin atigi ikki hafta o'tibroq medallar yuzasida yoriqlar paydo bo'lgan va qatlamlari ko'chib tusha boshlagan.

Sportchilar orasida amerikalik skeytburch Nijja Xyuston bu holatga eng qattiq munosabat bildirgan sportchilardan biri bo'ldi. U o'zining ijtimoiy tarmoqdagi chiqishlarida medalning ahvolini qiyoslab, un go'yo urushni boshidan kechirib kelgandek ko'rinishga kelib qolganini achinish bilan ta'kidlab o'tgan edi.

Hozirgi kunda tashkilotchilar va mas'ul idoralar yuzaga kelgan muammoning sabablarini o'rganishda davom etmoqda. Tanga saroyidagi kadrlar almashinuvi esa kelgusida bunday kamchiliklarga yo'l qo'ymaslik hamda sifat nazoratini kuchaytirish choralaridan biri sifatida baholanmoqda.