Yevropa texnologiya va mudofaa bozorida o'sish 📈

Yillar davomida xavfsizlik va texnologik rivojlanish borasida AQShga tayanib kelgan Yevropa davlatlari endilikda o'z kuchiga tayanib harakat qilish zarurligini anglab yetdi. Bu vaziyatda Yevropaning mudofaa va texnologiya korxonalariga yirik moliyaviy resurslar yo'naltirilishi rejalashtirilmoqda.

Yevropa Komissiyasi rahbari Ursula von der Leyen joriy haftada 150 milliard dollarlik yangi investitsiya paketini e'lon qildi. Rasmiy ma'lumotlarga ko'ra, mazkur mablag' hajmi kelgusida 800 milliard dollargacha oshishi kutilmoqda. Ushbu moliyaviy qo'llab-quvvatlash e'lon qilinishi ortidan Yevropa hududidagi mudofaa va texnologiya yo'nalishidagi kompaniyalarning aksiyalari birja savdolarida jadal ravishda yuqoriga ko'tarildi.

Aksiyalari keskin qimmatlashgan kompaniyalar qatorida Eutelsat ham bor. Mazkur korxona alçak yer orbitasida eng ko'p sun'iy yo'ldoshga ega bo'lgan Starlink'dan keyingi ikkinchi yirik operator hisoblanadi. Garchi Starlink Eutelsat'dan o'n barobar ko'p sun'iy yo'ldoshga ega bo'lsa-da, uning yo'qligida Eutelsat Yevropa uchun asosiy muqobil variantga aylanadi.

Biroq bu haftada faqat Eutelsat aksiyalari o'sish ko'rsatmadi. Mudofaa va sun'iy yo'ldosh texnologiyalari sohasida ish olib boruvchi boshqa ko'plab korxonalarning qimmatli qog'ozlari ham qiymatini oshirdi. Bular ustiga sun'iy intellekt yo'nalishiga ajratilgan yirik sarmoyalar ham qo'shilsa, Yevropa kelgusi yillarda texnologik kompaniyalar uchun yanada jozibador bozorga aylanishi taxmin qilinmoqda.