⚡️ Vivo X100 Geekbench'da yetakchi!

So‘nggi paytlarda MediaTek kompaniyasining flagman chiplari bozorda faollik ko‘rsatmoqda. Qualcomm o‘zining Snapdragon 8 Gen 3 protsessorini taqdim etganidan so‘ng, MediaTek Dimensity 9300 чипи e'lon qilingan edi. Dastlabki sinovlar har ikki chipning imkoniyatlari o‘zaro teng ekanini ko‘rsatgan bo‘lsa-da, yaqinda internetda Dimensity 9300 bazasidagi Vivo X100 smartfonining yangi Geekbench 6.2 natijalari paydo bo‘ldi. Bu safargi ko‘rsatkichlar avvalgilariga qaraganda ancha yuqori ekani e'tiborni tortdi.

Xususan, mazkur qurilmaning bir yadroli testlardagi o‘rtacha natijasi 2250 ball atrofida baholanmoqda. Ko‘p yadroli rejimda esa bu ko‘rsatkich 7000 balldan 7900 ballgacha o‘zgarib turibdi. Eng yuqori natija hatto bizning ma'lumotlar bazamizdagi Snapdragon 8 Gen 3 qayd etgan 7501 ballik ko‘rsatkichdan ham yuqoriroq ekanini ko‘rsatdi. Shuningdek, u olti yadroli Apple A17 Pro (7244 ball) natijasini ham ortda qoldirdi, garchi bu holat sakkiz yadroli protsessor uchun tabiiy holat sifatida qaralsa ham.

MediaTek kompaniyasining Dimensity 9300 chipida faqatgina "katta" yadrolardan foydalanish haqidagi qarori o‘z samarasini berdi. Buning natijasida protsessor hatto 10 yadroli Exynos 2400 chipini ham mag‘lub etdi, ma'lumot uchun, ushbu chip bir yadroli testda 2067 ball, ko‘p yadroli testda эsa 6520 ball to‘plagan edi.

Grafik imkoniyatlarga keladigan bo‘lsak, qurilmadagi Arm Immortalis G720 grafika protsessori Geekbench OpenCL sinovida 13 686 ball to‘pladi. Ushbu natija uni Exynos 2400 tarkibidagi Xclipse 920 hamda Snapdragon 8 Gen 3 dagi Adreno 750 grafik chiplaridan ortda qoldiradi. Shunga qaramay, Geekbench dasturi apparat ta'minotini uzoq vaqt davomida qattiq yuklamagani uchun grafik unumdorlik haqida faqat taxminiy tasavvur beradi xolos. Qolaversa, MediaTek protsessorlari raqobatchilarni jadal ortda qoldirmoqda va kelgusida kelajakdagi Nvidia grafik chiplari yordamida Qualcomm, Samsung hamda Apple mahsulotlarini ham ortda qoldirishi mumkin.