Braziliyada smartfonlar va o‘yin pristavkalari narxi umumiy inflyatsiyadan bir necha barobar tez o‘smoqda. Masalan, o‘tgan yili mamlakatda rasmiy inflyatsiya pasaygan bo‘lsa-da, flagman Galaxy Ultra modeli narxi bir yilda 33 foizga qimmatlashdi. Bu ko‘rsatkich umumiy iqtisodiy o‘sish sur’atidan qariyb yetti barobar ko‘pdir. Shuningdek, PlayStation 5 narxi ham sezilarli darajada oshdi. Mutaxassislar buni butun dunyoda sezilayotgan operativ xotira chip yetishmovchiligi va ishlab chiqarish tannarxining qimmatlashuvi bilan izohlamoqda. 🎮