Gate.io rahbari kripto sanoati haqida 📈

Taypey shahrida bo'lib o'tgan Asia Blockchain Summit 2024 tadbirida Gate.io kompaniyasi bosh direktori doktor Xan Lin kriptovalyuta sanoatining bugungi holati va kelgusi rivojlanish bosqichlari haqida ma'ruza qildi. U o'z nutqida tarmoq sezilarli yutuqlarga erishganini, biroq kengayish uchun hali ulkan imkoniyatlar saqlanib qolayotganini qayd etdi.

Doktor Xanning so'zlariga ko'ra, oxirgi yillarda davlatlar va nazorat qiluvchi idoralar blokcheyn texnologiyasining ahamiyatini tushuna boshladi. Hukumatlar ushbu soha erkin rivojlanishi uchun qulay shart-sharoitlar yaratish ustida ish olib bormoqda. Kun sayin ko'proq foydalanuvchilar blokcheynni o'zlashtirmoqda, turli muassasalar ham bunga qiziqish bildirmoqda. Bu esa sohaning yanada yetuk va barqaror bo'lib borayotganini ko'rsatadi.

Ma'ruzada kriptovalyuta sanoatining tarixi yettita asosiy yo'nalish: loyihalarni boshlash, tokenlar, birjalar, savdo hajmi, bozor kapitallashuvi, blokcheyn tarmoqlari hamda foydalanuvchilar kesimida ko'rib chiqildi. Dastlab Bitcoin kompyuterlar yordamida mayning qilingan bo'lsa, keyinchalik ICO, IEO va IDO kabi mablag' yig'ish mexanizmlari paydo bo'ldi. ICO o'z davrida yangi to'lqinni boshlab bergan bo'lsa-da, qoidatartibga solish choralari tufayli uning mashhurligi pasaydi. IEO ishonchli birjalar orqali xavfsizlikni ta'minlagan bo'lsa, IDO markazlashmagan birjalarda to'g'ridan-to'g'ri ishga tushish imkonini berdi.

Hozirgi kunda jamiyatga asoslangan tashabbuslar, xususan, kuchli hamjamiyat va viral marketingga tayanuvchi memkoinlar katta e'tibor qozonmoqda. ICO'lar kamayib, airdrop kabi jamoatchilikka yo'naltirilgan usullar ommalashmoqda. Tokenlar evolyutsiyasida ham BTC va ETH'dan boshlanib, barqaror tangalar, CEX tokenlari, DeFi, GameFi va memkoinlarga qadar o'zgarishlar kuzatildi. Savdo platformalari esa millionlab odamlarga xavfsizlik va likvidlik taqdim etishda davom etmoqda.