Kripto olamidagi asosiy yangiliklar 🏦

Kriptovalyuta va blokcheyn olamida 2026-yil 16-oktabr kuni bir qator yirik e'lonlar va yangi tashabbuslar amalga oshirildi. Xususan, bank saqlash xizmatlari, steyblkoin to'lovlari, pensiya jamg'armalari va yirik tadbirlardagi o'zgarishlar kun tartibidan o'rin oldi.

Germaniyaning yirik moliya muassasalaridan biri bo'lgan Deutsche Bank yaqin haftalar ichida o'zining kriptovalyuta saqlash xizmatini yo'lga qo'yishini ma'lum qildi. Bank korporativ xizmatlar rahbari Gerald Podobnikning so'zlariga ko'ra, dastlabki bosqichda faqat Bitcoin va Ether aktivlari qo'llab-quvvatlanadi. 2027-yilda esa bu xizmatni Osiyo moliya markazlariga kengaytirish rejalashtirilgan bo'lib, kelgusida steyblkoin tranzaksiyalari va tokenizatsiya qilingan aktivlarni ham qo'shish ko'zda tutilgan.

Shuningdek, Coinbase va Marqeta kompaniyalari o'rtasidagi hamkorlik doirasida muhim qadam tashlandi. Unga ko'ra, Marqeta xizmatidan foydalanuvchi bizneslar mijozlarning steyblkoin balansi hisobidan mablag' sarflash imkonini beruvchi kartalarni taklif qilishi mumkin bo'ladi. Bunda Marqeta karta chiqarish jarayonini boshqarsa, Coinbase raqamli aktivlarni saqlash va ularni an'anaviy valyutaga ayirboshlashni nazorat qiladi. Tranzaksiyalar Base tarmog'i orqali amalga oshiriladi.

Raqamli dollar emitenti Circle kompaniyasi ham o'z geogrofiyasini kengaytirish harakatida. Rahbar Jeremy Allairening ta'kidlashicha, kompaniya Janubi-Sharqiy Osiyo, Afrika, Lotin Amerikasi va Yaqin Sharqdagi 40 ga yaqin rivojlanayotgan bozorlarga kirishga hozirlik ko'rmoqda. Shu bilan birga, sun'iy intellekt dasturlarining USDC yordamida kichik to'lovlarni amalga oshirishi yangi rivojlanayotgan yo'nalish sifatida qayd etildi.

Boshqa bir yangilikda, Solana fondi o'zining Shanghaidagi tadbirini qoldirishga qaror qildi. Tashkilotchilarning tushuntirishicha, bir kechada ro'yxatdan o'tuvchilar soni to'rt baravar oshib ketgan va bu mahalliy organlar bilan kelishilgan limitdan oshib ketgan. Shuningdek, AQShda Bitcoin Well kompaniyasi mijozlarga bevosita Bitcoin saqlaydigan pensiya hisobvaraqlarini ochish imkoniyatini taqdim etdi. Shu kuni SBI Holdings va Startale kompaniyalari ham yen va dollar steyblkoinlarini bog'lash bo'yicha qo'shma tashabbusni e'lon qildi.