📊 Yangi hafta muhim iqtisodiy voqealari

19-oktabr sanasida moliyaviy bozorlar va iqtisodiyot uchun qator muhim tadbirlar hamda statistik ma'lumotlar e'lon qilinishi kutilmoqda. Ushbu kun davomida Yevropa, Osiyo va Shimoliy Amerika mamlakatlarining iqtisodiy holatiga ta'sir ko'rsatuvchi ko'rsatkichlar e'tibor markazida bo'ladi.

Xususan, Yevropa Markaziy banki (YMB) vakillarining chiqishlari rejalashtirilgan. Kun davomida YMB rasmiylari Sleijpen, Leyn va Elderson nutq so'zlab, joriy iqtisodiy vaziyat yuzasidan o'z qarashlarini bildirishadi.

Osiyo mintaqasida esa Yaponiya bo'yicha muhim statistika taqdim etiladi. Xususan, mamlakatning uchlamchi sanoat indeksi oylik ko'rsatkichlar bo'yicha tahlil qilinib, prognozlar -0,4 foizni, avvalgi davr uchun эsa 0,4 foizni tashkil etishi kutilmoqda.

Kanada iqtisodiyoti bo'yicha ham bir qator asosiy ma'lumotlar e'lon qilinadi. Xususan, mamlakatda bazaviy iste'mol narxlari indeksi, yillik va oylik inflyatsiya ko'rsatkichlari, shuningdek, Kanada Bankining asosiy iste'mol narxlari indeksi ma'lum qilinishi kutilmoqda.

Bundan tashqari, Kanada Markaziy bankining biznes istiqbollari bo'yicha so'rov natijalari ham moliyaviy bozor ishtirokchilari e'tiborida bo'ladi. Ushbu ma'lumotlar investorlar uchun yaqin davrdagi iqtisodiy tendentsiyalarni baholashda muhim ahamiyat kasb etadi.