Citi Bitcoin va Ethereum prognozlarini pasaytirdi 📉

Moliyaviy tahlil institutlari yetakchi kriptovalyutalar boʻyicha oʻzlarining oldingi prognozlarini qayta koʻrib chiqib, ularni pastroq darajaga tushirdi. Xususan, Citi banki kelgusi oʻn ikki oy uchun Bitcoin narxini oldingi 112 000 dollarlik taxmindan 30 foizga pastroq etib belgiladi va endi uning qiymatini 82 000 dollar miqdorida koʻrmoqda. Shunga oʻxshash oʻzgarish Ethereum boʻyicha ham kuzatildi, uning maqsadli narxi 3 175 dollardan 2 240 dollargacha pasaytirildi.

Boshqa bir moliya guruhi TD Cowen ham Bitcoin hamda Michael Saylor boshchiligidagi, balansida 800 mingdan ortiq raqamli tanga saqlaydigan MSTR kompaniyasining aksiyalari prognozlarini pastga qarab oʻzgartirdi. AQShdagi birja fondlari va umumiy bozor kayfiyatidagi qiyinchiliklar fonida yuzaga kelgan bu kabi oʻzgarishlar investorlar eʼtiborini tortmoqda.

Biroq tarix shuni koʻrsatadiki, tahlilchilar tomonidan bashoratlarning keskin qisqartirilishi koʻpincha bozor pasayishining oxiri va yangi burilish nuqtasi yaqinlashayotganidan dalolat berishi mumkin. Hozirgi kunda 58 000 dollar atrofida savdo qilinayotgan Bitcoin uchun Citi belgilaetgan yangi narx avvalgidan past boʻlsa-da, baribir joriy qiymatdan yuqoriroqda qolmoqda.