Stiv Jobs Mac'ni PlayStation'ga aylantirgan edi 🎮

Apple kompaniyasi bugungi kunda o'z qurilmalarida yuqori unumdorlik va zamonaviy o'yinlarni qo'llab-quvvatlashga alohida e'tibor bermoqda. Biroq kompaniyaning videoo'yinlar bozoriga bo'lgan qiziqishi kecha yoki bugun boshlangani yo'q. Bundan yigirma yildan ko'proq vaqt muqaddam Stiv Jobs bu borada juda dadil va ayni paytda muammoli qadam tashlagan edi.

1999-yil yanvar oyida bo'lib o'tgan Macworld tadbirida Stiv Jobs o'sha paytdagi yangi iMac kompyuterida PlayStation o'yinlarini namoyish qildi. U o'z chiqishida konsolning mashhurligini ta'kidlab, Mac kompyuterlarida ham ushbu o'yinlarni o'ynash qanchalik ajoyib bo'lishini aytib o'tdi. Tomoshabinlar hayratda qolgan bir paytda, Jobs Connectix kompaniyasi tomonidan yaratilgan "Virtual Game Station" nomli dastur haqida gapirdi.

Connectix mutaxassislari ushbu emulyatorni o'z tashabbuslari bilan ishlab chiqqan edilar. Apple esa bu dastur orqali o'z kompyuterlarining imkoniyatlarini ko'rsatish uchun qulay imkoniyat topdi. Stiv Joun sahifadan turib atigi 49 dollar evaziga Mac kompyuterini PlayStation konsoliga aylantirish mumkinligini e'lon qildi. Shundan so'ng Fil Shiller sahnaga chiqib, foydalanuvchilar o'yinlarni qanday sotib olib, Mac'da ishga tushirishi mumkinligini amalda ko'rsatib berdi.

Biroq Sony kompaniyasining bu taqdimotga munosabati juda keskin bo'ldi. Connectix PlayStation BIOS'ini teskari muhandislik yordamida o'rgangan bo'lib, ular bu qonuniy ekaniga amin edilar. Shunga qaramay, Sony taqdimotdan ko'p o'tmay mualliflik huquqi buzilganini da'vo qilib sudga murojaat qildi. Sud dastur savdosini to'xtatib qo'yish bo'yicha dastlabki qarorni chiqardi va tarqatish ishlari to'xtatildi.