📱 Galaxy S25 Edge o'ta yupqa dizayni bilan e'tiborni tortdi

YouTube platformasida chop etilgan videorolikda Galaxy S25 Edge smartfoni Galaxy S25 Ultra modeli bilan qiyosiy ko'rsatib o'tildi. Ushbu videoda namoyish etilgan qurilma haqiqiy telefon emas, balki asl modelning nusxasi bo'lgan maket hisoblanadi. Shunga qaramay, u kelgusida taqdim etiladigan gadjetning tashqi ko'rinishi haqida aniq tasavvur beradi.

Kelasi oyning 16-aprel sanasida rasman tanishtirilishi kutilayotgan Galaxy S25 Edge o'zining o'ta yupqa korpusi bilan ajralib turadi. Ushbu smartfonning qalinligi atigi 5,84 millimetrni tashkil etishi kutilmoqda, bu esa uni bozordagi eng yupqa qurilmalardan biriga aylantiradi. Taqqoslash uchun, videoda yonma-yon qo'yilgan Galaxy S25 Ultra modeli 8,2 millimetr qalinlikka ega.

Mavjud ma'lumotlarga ko'ra, Galaxy S25 Edge modeli Snapdragon 8 Elite protsessori, 12 gigabayt tezkor xotira va 4000 mA/soat quvvatga ega akkumulyator bilan ta'minlanadi. Qurilmaning orqa panelida 200 megapikselli asosiy kamera hamda 12 megapikselli qo'shimcha kamera joylashishi kutilmoqda. Shuningdek, S25 Ultra kabi titandan yasalgan ramkaga ega bo'lishi taxmin qilinayotgan mazkur smartfonning Yevropa bozoridagi boshlang'ich narxi 1200 yevro atrofida bo'lishi aytilmoqda.