Terorchilarga qarshi yirik tezkor operatsiya 🚨

Turkiya Milliy razvedka tashkiloti va Ichki ishlar vazirligi xodimlari tomonidan mamlakat hududidagi ibodatxonalarga hamda diplomatik vakolatxonaga qarshi qaratilgan jinoyat rejasining oldi olindi. O‘tkazilgan muvaffaqiyatli qo‘shma operatsiya natijasida xavfli hujumlarni amalga oshirishni rejalashtirgan 29 nafar shaxs qo‘lga olindi.

Aniqlanishicha, qo‘lga olinganlar orasida DEASH terror tashkilotining Selman-ı Farisi Taburu deb nomlangan tuzilmasiga aloqador bo‘lgan uch nafar mas’ul shaxs ham bor. Maxsus xizmatlar ular orasida Abu Yakin El Iraki taxalluse bilan tanilgan Micbel El-Şuveyhi va Ebu Leys taxalluse bilan harakat qilgan Mohammed Hilaf Ibrahim Turkiyadagi sinagog hamda cherkovlarga hujum uyushtirishni maqsad qilganini aniqlagan. Shuningdek, Abdullah El Cumeyli taxallusli İyheb Elani esa Iroq elchixonasiga qarshi qaratilgan reja ustida ishlagani ma’lum bo‘ldi.

Mazkur guruh a’zolari hamda ular bilan aloqada bo‘lgan boshqa shaxslarni qo‘lga olish uchun mamlakatning 9 ta turli shahrida tong saharlab maxsus reydlar uyushtirildi. Huquq-tartibot idoralarining muvofiqlashtirilgan harakatlari tufayli barcha gumonlanuvchilar qo‘lga olindi va ularning yashirin joylaridan ko‘plab raqamli materiallar topilib, tekshiruv uchun olib qo‘yildi.

Tergov jarayonida hibsga olingan asosiy shaxslar o‘z ayblarini tan olib, ko‘rsatma berishdi. Ular DEASH safiga qanday qo‘shilgani, Suriya hamda Turkiyadagi terrorchilik faoliyati, shuningdek, mamlakat ichida harakat qilayotgan boshqa sheriklari haqida batafsil ma’lumotlarni oshkor qilishdi.