PS Plus iyul oyinlari va 15 yillik 🎮

Sony kompaniyasi PlayStation Plus obunachilari uchun iyul oyida taqdim etiladigan yangi bepul oʻyinlar roʻyxatini rasman eʼlon qildi. Maʼlum boʻlishicha, xizmatning eng quyi bosqichi boʻlgan Essential qatlamiga uchta mashhur loyiha qoʻshiladi. Obunachilar 1-iyuldan boshlab 4-avgust sanasiga qadar Diablo IV, The King of Fighters XV va Jusant oʻyinlarini oʻz hisoblariga bepul qoʻshib olish imkoniyatiga ega boʻladilar.

Mazkur oʻyinlarning platformalar boʻyicha taqsimoti ham maʼlum qilingan. Xususan, Diablo IV hamda The King of Fighters XV loyihalari ham PlayStation 5, ham PlayStation 5 konsollari egalari uchun moʻljallangan boʻlsa, Jusant oʻyini faqatgina PlayStation 5 konsolida ishlaydi. Taʼkidlash joizki, PS Plus Extra va Deluxe darajasidagi obunachilar uchun moʻljallangan iyul oyi oʻyinlari keyingi kunlarda alohida eʼlon qilinadi.

Iyul oyida nafaqat yangi oʻyinlar, balki PlayStation Plus xizmatining 15 yilligini nishonlashga qaratilgan qator maxsus tadbirlar va aksiyalar ham oʻtkaziladi. Xususan, Premium darajasidagi obunachilar uchun WWE 2K25 hamda Monster Hunter Wilds oʻyinlarining sinov versiyalari taqdim etiladi. Shuningdek, 27–29-iyun kunlari PlayStation Store doʻkonida Sniper Elite: Resistance, Sid Meier's Civilization VII va Star Wars Outlaws kabi oʻyinlarga chegirmalar belgilanadi.

Bundan tashqari, barcha PS Plus aʼzolari qoʻshimcha toʻlovsiz Valorant toʻplamini qoʻlga kiritishlari mumkin. Ushbu toʻplamga turli xil qurol bezaklari, stikerlar va radianite ballari kiradi, biroq ular faqat kosmetik xususiyatga ega boʻlib, oʻyin jarayoniga taʼsir qilmaydi. 28-iyun kuni maxsus 15 yillik yubiley kubogi turniri boshlanishi, shuningdek, Premium obunachilar uchun 12-avgustgacha Sony Pictures Core filmlariga chegirmalar taqdim etilishi ham rejalashtirilgan.