Samsung Xavfsiz papkasida xavfsizlik zaqfi topildi 📱

Samsung smartfonlaridagi mashhur "Xavfsiz papka" funksiyasida foydalanuvchi maxfiyligiga putur yetkazuvchi xavfsizlik zaqfi borligi maʼlum boʻldi. Ushbu boʻshliq tufayli shaxsiy foto va videolarga ruxsatsiz kirish imkoniyati yuzaga kelmoqda.

Muammuning asosiy sababi Shelter singari ilovalarning har qanday qurilmada ish profilini yaratish imkoniyatiga egaligidadir. Natijada, agar begonaning telefoningizga jismoniy kirish imkoni boʻlsa, u mazkur ilovani oʻrnatib, Xavfsiz papkada saqlangan barcha surat va videolarni osongina koʻra oladi.

Mutaxassislarning taʼkidlashicha, One UI 7 interfeysidagi ushbu zaqflik orqali barcha turdagi fayllarga emas, faqatgina fotosuratlar va videolarga keng kirish imkoniyati ochiladi. Agar sizda ish beruvchi tomonidan oʻrnatilgan maxsus ish profili mavjud boʻlsa va u ish fayllariga kirishni cheklashga sozlangan boʻlsa, bu zaqflik ishlamasligi ham mumkin. Biroq, bunday sozlamalar mazkur xavfni toʻliq toʻsib qoʻyishini hali hech kim amalda tasdiqlamagan.

Xavfsizlikni taʼminlash va mediafayllarning tashqi taʼsir ostida ochilib ketishining oldini olishning eng toʻgʻri yoʻli ularni shifrlashdir. Maʼlumki, Xavfsiz papka sukut boʻyicha shifrlanmagan holda ishlaydi, biroq foydalanuvchilar uning ichidagi maxsus sozlama orqali shifrlash funksiyasini faollashtirish imkoniyatiga egadirlar.