AMD Nvidia va Arm kompaniyalariga qarshi chiqdi 💻

Nvidia va Microsoft kompaniyalari yaqinda yangi RTX Spark hamda Surface Laptop Ultra gadjetlarini omma e'tiboriga havola etdi. Ushbu taqdimotda Jensen Xuang shaxsiy kompyuterlar sohasida katta o'zgarishlar qilinayotgani, jumladan yagona xotira, mahalliy sun'iy intellekt va ko'chma korpusda ishlovchi ish stoli darajasidagi quvvat taqdim etilganini ma'lum qildi.

Biroq AMD bu borada o'zining qat'iy e'tirozlarini bildirdi. Kompaniyaning Mijozlar mahsulotlarini marketing qilish bo'yicha vitse-prezidenti Mayk Nordquistning ta'kidlashicha, Nvidia bu yerda butunlay yangi toifani kashf etgani yo'q, balki AMD allaqachon bir yildan ortiq vaqtdan beri rivojlantirib kelayotgan yo'nalishni qo'llab-quvvatladi, xolos.

Nordquistning fikricha, AMD o'zining "Gorgon Point Halo" kod nomiga ega bo'lgan ikkinchi avlod Ryzen AI Max 400 seriyasi orqali yangi raqobatchidan ancha oldinda. Jumladan, RTX Spark qurilmasi maksimal 128 GB yagona xotirani qo'llab-quvvatlasa, AMD'ning yangi mahsuloti bu ko'rsatkichni 192 GB gacha oshiradi. Bu esa foydalanuvchilarga 300 milliard parametrgacha bo'lgan yirikroq sun'iy intellekt modellarini ishlatish imkonini beradi.

Shuningdek, Nordquist Nvidia va Microsoft taqdimotida e'tibordan chetda qolgan muhim jihat — Arm arxitekturasi haqida ham fikr bildirdi. An'anaviy x86 arxitekturasidan farqli o'laroq, Arm asosidagi chiplar Windows ilovalarini ishlatishda ularni emulyatsiya qilishga majbur bo'ladi, bu эsa ma'lum darajada unumdorlikning pasayishiga olib keladi. AMD rahbari taqdimot davomida Arm so'zining ataylab tilga olinmaganiga e'tibor qaratdi.