Tramp shtabi Stormi Denielsga pul taklif qildimi? 🇺🇸

MSNCB telekanalining hisobotiga ko'ra, Donald Trampning yuristlari yoz oylarida Stormi Denielsga o'tmishdagi munosabatlari haqida ommaga gapirmaslik evaziga moliyaviy kelishuv taklif qilishgan. Bu jarayon 2016-yilgi saylovlar oldidan amalga oshirilgan to'lovlar bilan bog'liq jinoiy ishlar davom etayotgan bir paytda yuzaga keldi.

Avvalroq, Deniels Trampning sobiq advokati Maykl Koen orqali pul olgani haqida guvohlik bergandi. Nyu-Yorkdagi sud hakamlar hay'ati bu to'lovlar bo'yicha biznes yozuvlarini soxtalashtirishga oid 34 ta jinoyat bandi bo'yicha Trampni aybdor deb topgan edi. Tramp esa o'rtadagi munosabatlarni doimiy ravishda rad etib kelgan.

Alohida fuqarolik ishida Deniels Trampga qarshi qo'zg'atgan tuhmat da'vosida yutqazib, uning sud xarajatlarini to'lashi shart qilib qo'yilgandi. MSNCB qo'lga kiritgan iyul oyidagi xatga ko'ra, Trampning himoyachilari uning qarzini 620 000 dollargacha kamaytirishni, evaziga esa Tramp va uning biznesi haqida hech qanday bayonot bermaslikni talab qilishgan.

Biroq Denielsning advokati sukunat saqlash shartini qat'iyan rad etgan. Keyinchalik tomonlar sukunat shartisiz 627 500 dollar miqdoridagi summada kelishuvga erishganliklari ma'lum bo'ldi. Tramp kampaniyasi vakili Stiven Cheung hujjatlar noqonuniy xakerlik yo'li bilan olinganini da'vo qilib, ularning qonuniyligini rad etgan bo'lsa-da, MSNBC bu hujjatlar Denielsning advokatidan qonuniy ravishda olinganini tasdiqlagan.