iOS 26 qachon chiqadi? 📱

Apple kompaniyasining navbatdagi yirik operatsion tizimi bo'lgan iOS 26 yangilanishining chiqarilish sanasi va uning sinov bosqichlari haqidagi dastlabki ma'lumotlar ma'lum bo'ldi. O'tgan yillardagi amaliyotga nazar tashlasak, Apple iOS 18 dasturini 16-sentyabrda, iOS 17'ni 18-sentyabrda, iOS 16'ni esa 12-sentyabrda chiqarib, ularni yangi smartfonlar namoyishidan keyingi haftaga rejalashtirgan edi. Bu yil kompaniya nomlanishda o'zgarish qilgan bo'lsa-da, dasturiy ta'minotni chiqarish jadvalida o'zgarish bo'lishi kutilmaydi. Shu sababli, iOS 26 yangilanishi iPhone 17 taqdimotidan ko'p o'tmay, sentyabr oyining o'rtalarida foydalanuvchilarga yetkaziladi.

Har yilgi an'anaga ko'ra, Apple rasmiy relizdan oldin iOS 26 ning ommaviy beta-versiyasini sinovdan o'tkazish uchun taqdim etadi. Ushbu sinov talqini iyul oyida chiqarilishi rejalashtirilgan bo'lib, unga qiziqqan har bir shaxs beta.apple.com sayti orqali ro'yxatdan o'tib qo'shilishi mumkin bo'ladi.

Shu bilan birga, har qanday beta-dasturiy ta'minot kabi, iOS 26 sinov talqini ham turli xatolar hamda ishlashdagi nuqsonlarni o'z ichiga oladi. Dastlabki beta-versiyani o'rnatgan foydalanuvchilarning fikricha, o'tgan yillardagi iOS versiyalariga qaraganda bu safar qotish holatlari ko'proq kuzatilmoqda va yangi shisha dizaynidan tashqari ba'zi vizual muammolar ham mavjud. Batareya quvvati tez tugayotganidan shikoyat qilayotganlar bo'lsa, ayrimlar uning sarfi avvalgi iOS 18.5 versiyasi bilan bir xil darajada ekanini aytmoqda.