ZOTAC Gaming ZONE portativ o'yin kompyuterining tavsilotlari 🎮

ZOTAC kompaniyasi o'zining yangi Gaming ZONE deb nomlangan portativ o'yin kompyuterini rasman namoyish qildi. Avvalroq COMPUTEX 2024 ko'rgazmasida e'lon qilingan ushbu qurilma hozirda ayrim hududlarda xaridorlar uchun oldindan buyurtmaga chiqarilgan bo'lib, uning narxi 799 AQSh dollari etib belgilangan.

Mazkur gadjet kuchli texnik xususiyatlari va puxta o'ylangan boshqaruv tizimi bilan ajralib turadigan premium darajadagi qurilma sifatida taqdim etilmoqda. Uning asosiy qismini AMD Ryzen 7 8840U protsessori hamda Radeon 780M o'rnatilgan grafik kartasi tashkil etadi. Shuningdek, qurilma 16 gigabaytli LPDDR5X-7500 operativ xotirasi va 512 gigabayt sig'imga ega M.2 NVMe SSD xotirasi bilan ta'minlangan.

Qurilmaning eng e'tiborga molik jihatlaridan biri uning ekrani hisoblanadi. Unda Full HD piksellar soniga ega, 120 Gts yangilanish chastotasi va 800 nit yorug'likni taqdim etuvchi 7 dyuymli AMOLED displey qo'llanilgan. Bu turdagi matritsaga ega bo'lgan ilk cho'ntak kompyuteri chuqur qora rang va keng rang qamrovini ta'minlab beradi.

Boshqaruv tizimiga alohida e'tibor qaratilgan bo'lib, stiklar va kurklarda Xoll datchiklari ishlatilgan. Bu esa yuqori aniqlikni kafolatlab, dрейф muammosining oldini oladi. Shuningdek, qurilma ikkita taxtakach (senzor paneli), barmoq izi skaneri, ikkita USB4 porti va boshqa ko'plab interfeyslar bilan jihozlangan bo'lib, Windows 11 Home boshqaruvi ostida ishlaydi.