Donald Tramp: Bayden kriptovalyutani bilmaydi! 🗳️

AQShning sobiq prezidenti Donald Tramp o‘zining Mar-a-Lagodagi qarorgohida o‘zining NFT Mugshot Edition kolleksiyasidan 47 tadan ortiq token sotib olgan xaridorlar bilan uchrashuv o‘tkazdi. Har biri 99 dollardan sotib olingan ushbu raqamli aktivlar egalari oldida so‘zga chiqqan Tramp, agar ular har qanday shakldagi raqamli aktivlarni yoqtirsa, unga ovoz berishlari lozimligini ta’kidladi.

Uning fikricha, amaldagi davlat rahbari Jo Bayden kriptovalyuta tushunchasidan mutlaqo bexabar. Tramp agar raqamli aktivlarga nisbatan dushmanlik kayfiyati sababli bu soha AQShni tark etishga majbur bo‘lsa, buning oldini olishini va mamlakat ularning qolishini ta’minlashi shartligini bildirdi.

Shuningdek, u virtual aktivlarni regulyatorlar tazyiqidan himoya qilish uchun barcha choralarni ko‘rishga va’da berdi. Shu bilan birga, siyosatchi yig‘ilganlarni o‘zining saylovoldi kampaniyasini qo‘llab-quvvatlash uchun aynan virtual valyutalarda xayriya qilishga chaqirdi.

Tдdbirda qatnashgan FOX Business jurnalisti Eleanor Террет ikki asosiy prezidentlik nomzodining raqamli aktivlarga bo‘lgan yondashuvida keskin farq borligiga e’tibor qaratdi. Digital Currency Group blokcheyn-platformasi o‘tkazgan so‘rov natijalariga ko‘ra, oltita tebranma shtat saylovchilarining besh qismidan ko‘prog‘i nomzodlarning kriptovalyutalar bo‘yicha tutgan o‘rni 2024-yil kuzgi saylovlarda hal qiluvchi ahamiyat kasb etishini ta’kidlagan.