Google Pixel 10 xakerlar hujumiga uchradi 📱

Irlandiyaning Kork shahrida boʻlib oʻtgan Pwn2Own xakerlik musobaqasida uchta tadqiqotchi guruh toʻliq yangilangan dasturiy ta’minotga ega Google Pixel 10 smartfonini masofadan turib buzib kirishga muvaffaq boʻldi. Ushbu tadbirda ishtirokchilar oʻzlarining ishlaydigan ekspleytlarini namoyish etadilar, musobaqa tashkilotchilari esa aniqlangan xavfsizlik kamchiliklarini tegishli kompaniyalarga yetkazadilar.

Tadqiqotchi jamoalar orasida Ikotas Labs eng katta muvaffaqiyatga erishib, 300 000 dollar miqdoridagi bosh mukofotni qoʻlga kiritdi va musobaqaning umumiy gʻolibiga aylandi. Ta’kidlash joizki, barcha uchta Pixel 10 gʻolibi masofaviy ekspleytlar sifatida roʻyxatga olingan boʻlib, bu qurilmaga standart brauzer yoki NFC, Wi-Fi, Bluetooth yoxud tarmoq radioaloqalari orqali kirishni anglatadi.

Musobaqa natijalariga koʻra, Xint jamoasi 150 000 dollar mukofot oldi, Ikotas Labs esa toʻliq 300 000 dollarni qoʻlga kiritdi. Uchinchi gʻolib guruh esa 112 500 dollar mukofot bilan taqdirlandi. Ushbu uchta urinishning umumiy qiymati 562 500 dollarni tashkil etdi.

Musobaqa qoidalariga koʻra, gʻolib jamoalar oʻz ishlanmalarini Zero Day Initiative (ZDI) tashkilotiga topshiradilar, ular esa oʻz navbatida bu ma’lumotlarni ishlab chiqaruvchilarga taqdim etadi. Shundan soʻng kompaniyalarda xatoliklarni bartakraf etish uchun 90 kunlik muddat boʻladi. Hozircha Google kompaniyasi ushbu aniqlangan muammolar yuzasidan rasmiy yangilanish chiqargani yoʻq.