Amerikaning Boeing kompaniyasi yana jiddiy muammolarga duch keldi. Shanba kuni San-Fransiskodan uchgan 737 rusumli samolyot parvoz paytida korpus qismini yo‘qotgani ma'lum bo‘ldi. Qo‘nish vaqtida United Airlines laynerining tashqi qoplamasida bo‘lak yetishmayotgani aniqlandi. Samolyot xavfsiz qo‘ngan bo‘lsa-da, bu holat fond bozoriga salbiy ta'sir ko‘rsatdi. Avvalroq kompaniyaning sobiq xodimi sirli ravishda vafot etgani ham investorlarni xavotirga solgan edi. Mazkur voqealar fonida Boeing aksiyalari narxi pasayib ketdi va Fitch reyting agentligi kompaniya prognozini pasaytirdi. 📉