Binance Bitcoin mayning pulini yopadi ⛏️

Dunyodagi yirik kriptovalyuta birjalaridan biri boʻlgan Binance oʻzining Bitcoin mayning puli va unga aloqador xizmatlarini yopishini rasman e'lon qildi. Ushbu oʻzgarishlar 2026-yil 10-noyabrda UTC vaqti bilan soat 07:00 da amalga oshiriladi. Mazkur qaror platformaning umumiy mahsulotlar qatorini koʻzdan kechirish va strategik ustuvorliklarini oʻzgartirish doirasida amalga oshirilayotgani aytilmoqda.

Kompaniya 13-oktabr kuni tarqatgan bildirishnomasiga koʻra, asosiy pul xizmatidan tashqari Cloud Mining, Pool Savings, tranzaksiyalarni tezlashtiruvchi xizmat, shuningdek Stratum ulanishlari, API interfeyslari hamda xabarnomalar butunlay yopiladi. Belgilangan muddatdan keyin yuborilgan hesxreytlar va mayning ulushlari qabul qilinmaydi yoki qayta ishlanmaydi. Foydalanuvchilarga jarayon yakunlangunga qadar boshqa mayning hovuziga oʻtib olish va jamgʻarmalarni yopish tavsiya etildi, tranzaksiyalar tarixi esa 24-noyabrgacha ochiq qoladi.

2020-yil aprel oyida faoliyat boshlagan Binance Pool oʻz davrida Full Pay-Per-Share modeli bilan tanilgan edi. Biroq vaqt oʻtishi bilan uning koʻrsatkichlari pasayib ketdi. Hashrate Index ma'lumotlariga koʻra, 2025-yil oxirida hovuz 2,3 foiz bozor ulushi bilan 9-oʻrinda turgan boʻlsa, 2026-yil oktabr oyi oʻrtalariga kelib ulush 1 foizdan pastga, aniqrogʻi 0,85 foizga tushib ketgan va 11-oʻringa tushib qolgan edi.

Maynerlar oʻz qurilmalarini boshqa muqobil pul xizmatlariga ulash imkoniyatiga ega boʻlsada, tarmoqdagi konsentratsiya masalasi muhimligicha qolmoqda. Hozirda Foundry USA va AntPool kabi yirik platformalar bloklarning salmoqli qismini nazorat qilmoqda. Binance oʻz navbatida sun'iy intellekt vositalari va an'anaviy moliya aktivlari savdosiga, jumladan AQSH qimmatli qogʻozlari va an'anaviy derivativlarga e'tibor qaratmoqda.