AMD RDNA4 GPU haqida yangi tafsilotlar 🖥

Internetda AMD kompaniyasining yangi avlod RDNA4 grafik protsessorlari haqida qiziqarli ma'lumotlar paydo bo'ldi. Avvalroq tarqalgan mish-mishlarda Navi 4C kod nomiga ega flagman qurilma to'qqizta hisoblash chipletidan iborat ko'p kristallli tuzilishga ega bo'lishi aytilgandi. Endilikda VideoCardz nashrining ma'lumot berishicha, AnandTech forumining Kepler_L2 ishtirokchisi ushbu taxminlarni noma'lum dasturiy ta'minotning boshlang'ich kodidan topib tasdiqlagan.

Manba kodlarida 0 dan 8 gacha bo'lgan oraliqda raqamlangan to'qqizta alohida sheyker dvigatellari keltirib o'tilgan. Ushbu topilma AMD o'zining yangi avlod video-kartalari yordamida o'yin uskunalari bozorining eng yuqori segmentida jiddiy natijalarga erishishni rejalashtirganidan dalolat beradi.

Taxminlarga ko'ra, agar bu flagman grafik protsessor chiqarilganda, u 200 ta hisoblash bloki (Compute Unit) bilan ta'minlanar edi. Bu ko'rsatkich hozirgi avlodga mansub Navi 31 grafik protsessoridagi hisoblash bloklari sonidan ikki barobardan ham ko'proqni tashkil etadi.

Shunga qaramay, tarqalgan xabarlarga ko'ra, ishlab chiqarish jarayonidagi jiddiy qiyinchiliklar sababli AMD ko'p kristallli RDNA4 grafik protsessorlarini yaratish g'oyasidan voz kechishga majbur bo'lgan. Shu sababli, kelgusi avlod video-kartalari faqat o'rta segmentga mo'ljallanishi kutilmoqda. Hozirgi vaqtga qadar AMD kompaniyasi ushbu mish-mishlar yuzasidan rasmiy izoh bermadi va bo'lg'usi video-kartalarning texnik tafsilotlarini oshkor qilmadi.