🎮 Super Mario 3D formatiga ko‘chirildi!

Mashhur 2D Super Mario o‘yinini zamonaviy o‘yin dvigatellari va ilg‘or grafika imkoniyatlari yordamida qayta 3D formatga o‘tkazilsa nima bo‘ladi degan savolga yangi loyiha javob berdi. Re-Imagine Games studiyasi entuziastlari barchaga sevishgan klassikaga bo‘lgan katta muhabbat ila o‘yinning o‘ziga xos remeykini yaratishdi. Bu versiya bolalikdan tanish bo‘lgan o‘yin jarayoni, joylashuvlar hamda qahramonlarni to‘liq takrorlaydi.

Dasturchilar tanish o‘yin jarayonini har tomonlama ko‘zdan kechirishni xohlaydigan darajada vizuallashtirishga muvaffaq bo‘lishdi. Bunda klassik ikki o‘lchamli versiyada yo‘q qilish yoki ustidan sakrab o‘tish kerak bo‘lgan dushmanlarning aksariyat qismini ularga teginmasdan chetlab o‘tish imkoniyati ham yaratilgan. Shuningdek, so‘nggi boss hisoblangan Bouzer ajdarhosini ham xuddi avvalgidek ko‘prikni qulatish vositasida yengish mumkin.

Mazkur loyiha sinov jarayonida bo‘lishiga qaramay, o‘yinchilarga iliq nostalgiya hissiyotlarini taqdim etishi bilan ajralib turadi. Bu eski va tanish narsa bilan bir vaqtda butunlay yangi tajribani uyg‘unlashtiradi. Garchi u eng yuqori darajadagi grafikaga ega bo‘lmasa-da va hozircha xomaki versiya bo‘lsa-da, sinov jarayonini ko‘rgan ko‘pchilik undan katta taassurot olmoqda.

Shuni alohida ta'kidlash joizki, ushbu o‘yin hozircha hech qanday ommaviy manbalarda mavjud emas. Taqdim etilgan sharh shunchaki jarayon qanday ko‘rinishi mumkinligi haqidagi qarashlardan iborat xolos, chunki uni Re-Imagine Games jamoasi hali chiqishga tayyorlamoqda. Agar loyiha to‘laqonli relizgacha yetib borsa, uni katta qiziqish kutishi va kelgusida boshqa eski konsol xitlari ham qayta tug‘ilishi mumkinligi taxmin qilinmoqda.