Xiaomi HyperOS 4 Apple bilan integratsiyani kengaytiradi 🍏

Xiaomi kompaniyasi joriy yilning 7-oktabr kuni taqdim etilgan HyperOS 4 operatsion tizimida Apple qurilmalari bilan integratsiya yanada kengaytirilishini ma'lum qildi. Yangi funksiyalar yordamida foydalanuvchilar ikki turli ekotizim o'rtasida suratlar, turli fayllar, kontaktlar ma'lumotlari hamda veb-sahifalarni qulay tarzda almashish imkoniga ega bo'ladilar.

Kompaniya bayonotiga ko'ra, yangi tizim iPhone va Xiaomi bulutli fotosuratlar albomlariga ikki tomonlama kirishni ta'minlaydi. Shuningdek, foydalanuvchilar ikkala qurilmani almashtirib o'tirmasdan, xabarnomalarni sinxronlashtirish va kelgan xabarlarga bevosita javob qaytarish funksiyalaridan foydalanishlari mumkin bo'ladi.

Mazkur integratsiya doirasi faqatgina iPhone bilan cheklanib qolmay, balki iPad va Mac qurilmalarini ham o'z ichiga oladi. Mac va iPad foydalanuvchilari mos keluvchi dasturiy ta'minot versiyalari, yagona Xiaomi hisobi hamda zarur tarmoq ulanishi yordamida o'zlarining Xiaomi telefonlarini ko'rish va ularni masofadan boshqarish imkoniyatiga ega bo'ladilar.

Eslatib o'tamiz, HyperOS 4 tizimi sentabr oyida Xiaomi 18 Pro seriyali smartfonlari bilan birgalikda ilk bor taqdim etilgan edi. Mazkur yangi funksiyalarning keng ko'lamli joriy etilishi va ommaviy tarqatilishi rasman 15-oktabrdan boshlanishi rejalashtirilgan.