Apple rochmalari yo'q iPhone tayyorlamoqda 📱

Apple kompaniyasi kelajakda romsiz iPhone smartfonlarini taqdim etish niyatida. Buning uchun texnologiya giganti Samsung tomonidan ishlab chiqilayotgan ilg'or OLED-displeylar texnologiyasining tayyor bo'lishini kutmoqda. Bu haqda xitoylik taniqli insayder Instant Digital ma'lum qildi. Gap oddiy egilgan ekranlarga qaraganda ancha radikal va o'zgacha yechim haqida ketmoqda.

Samsung kompaniyasida ushbu texnologiya Full-Surround Display deb nomlanadi, ya'ni bu butun qurilmani qamrab oluvchi to'liq ekranli displeydir. Odatiy "sharshara" ekranlardan farqli o'laroq, bu yerda panelning asosiy qismi tekis qoladi, biroq OLED qismi barcha to'rt tomondan va burchaklarda deyarli 90 gradus ostida keskin egiladi. Amalda bu egilgan qismlar smartfon korpusining yon qirralari vazifasini bajarishi kerak.

Bunday yondashuv nafaqat tasvirning bir qismini, balki hozirgi kunda qora hoshiyalar ortida yashiringan ba'zi komponentlarni ham yon tomonlarga ko'chirish imkonini beradi. Natijada qurilmaga old tarafdan qaralganda ekranni o'rab turgan qora hoshiya deyarli sezilmay qolishi mumkin. Qolaversa, ushbu texnologiya kelgusida odatiy mexanik tugmalardan ham butunlay voz kechish salohiyatiga ega.

Biroq, bunday innovatsion smartfonlarning ommaviy ishlab chiqarilishigacha hali ancha vaqt bor. Hozircha Samsung muhandislari ekranning burchaklaridagi optik buzilishlar hamda ranglarning o'zgarishi muammolarini hal qilishlari kerak. Shuningdek, bunchalik kuchli egilish sharoitida OLED-panelning himoya qatlamini saqlab qolish hamda displey barcha to'rt tomonni egallagan taqdirda antennalarni qayerga joylashtirish masalasini topish muhim vazifa bo'lib turibdi.

Ta'kidlash joizki, gap yubiley uchun mo'ljallangan iPhone 20 smartfoniga nisbatan ishlatiladigan texnologiya haqida ketmayapti. 2027-yilgi model uchun faqatgina to'rt tarafi egilgan sodroq ekran turi kutilmoqda.