Apple rochmalari yo'q iPhone tayyorlamoqda 📱

Apple kompaniyasi kelgusida ramkalari mutlaqo bo'lmagan iPhone smartfonlarini taqdim etishni rejalashtirmoqda. Ushbu yirik loyihani amalga oshirish uchun texnologiya giganti Samsung kompaniyasi yangi turdagi OLED-displeylarni to'liq tayyor holatga keltirishini kutmoqda. Bu haqda o'zining xitoylik manbalariga tayanib Instant Digital insayderi ma'lum qildi. Mutaxassislarning ta'kidlashicha, gap oddiy egilgan ekranlar haqida emas, balki ancha murakkab va radikal dizayn yechimi haqida bormoqda.

Samsung kompaniyasida bu yangi ishlanma Full-Surround Display deb nomlanmoqda, bu esa butun qurilmani qamrab oluvchi to'liq ekranli displeyni anglatadi. Odatiy sharshara-ekranlardan farqli ravishda, bu yerda panelning asosiy qismi tekisligicha qoladi. OLED-displey esa barcha to'rt tomondan va burchaklarda deyarli 90 graduslik burchak ostida keskin pastga bukiladi. Mazkur bukilgan qismlar kelgusida korpusning yon qirralari vazifasini bajarishi kutilmoqda.

Yangi yechim tufayli nafaqat tasvirning bir qismini, balki hozirgi vaqtda ekran atrofidagi ramkalar ortida yashiringan ichki qismlarni ham yon tomonlarga ko'chirish imkoniyati tug'iladi. Natijada foydalanuvchi smartfonga old tomondan qaraganda, ekran atrofidagi qora hoshiyalar deyarli ko'rinmay qolishi mumkin. Qolacha, ushbu texnologiya kelgusida oddiy mexanik tugmalardan ham to'laqonli voz kechishga yo'l ochadi.

Shunga qaramay, ushbu innovatsion dizayndagi smartfonlarning ommaviy ishlab chiqarilishiga hali ancha vaqt bor. Janubiy Koreya ishlab chiqaruvchisi oldida hal etilishi lozim bo'lgan qator texnik muammolar turibdi. Xususan, ekran burchaklaridagi optik buzilishlar hamda ranglarning o'zgarishi muammosini bartaraf etish, bunchalik kuchli egilish sharoitida OLED-panelning himoya qatlamini saqlab qolish va agar ekran korpusning to'rt tomonini egallasa, antennalar uchun joy topish talab etiladi.

Qayd etilishicha, mazkur yangilik 2027-yilda chiqishi kutilayotgan yubiley iPhone 20 uchun rejalashtirilgan texnologiyadan farq qiladi. Ushbu yubiley modeli uchun esa faqat to'rt tomoni biroz egilgan oddiyroq ekran ishlatilishi kutilmoqda.