Sui Foundation DATA Network'ga 30 mln dollar kiritdi 💸

Sui Foundation tashkiloti 12-oktabr kuni DATA Network loyihasiga 30 million dollar miqdorida sarmoya kiritishini rasman e'lon qildi. Ushbu strategik hamkorlik natijasida Sui Foundation protokollarning eng yirik institutsional aksiyadoriga aylanadi.

Kelishuv shartlariga ko'ra, sun'iy intellektni o'qitish ma'lumotlari protokoli o'zining mustaqil blokcheyn tarmog'ini yopib, Sui infratuzilmasiga to'liq o'tadi. Shuningdek, DATA Network'ning Trace reyestri ham Sui blokcheyniga ko'chirilishi tasdiqlandi.

Mavjud DATA tokenlari yangi tarmoqqa birga-bir (1:1) nisbatda migratsiya qilinadi. Tomonlarning bildirishicha, token egalarining barcha boshqaruv huquqlari, iqtisodiy imtiyozlari hamda qulflangan tokenlarning taqsimot jadvali o'zgarishsiz saqlanib qoladi. Migratsiya jarayoni yakunlangach, DATA Foundation boshqaradigan ilovalar uchun Walrus standart saqlash platformasi vazifasini bajaradi.

Hozirgi mustaqil tarmoq migratsiya to'liq yakunlanqunga qadar o'z faoliyatini davom ettiradi. Hozircha ikkala jamg'arma o'tishning aniq sanasini ma'lum qilmadi, biroq yangilanish boshlanishidan oldin token egalari uchun batafsil ko'rsatmalar va vaqt jadvali e'lon qilinishini bildirdi.

Bitimning moliyaviy tuzilmasi, kompaniya qiymati va Sui Foundation ulushiga tegishli aniq tokenlar soni hozircha oshkor etilmadi. Shuningdek, 30 million dollarlik mablag'ning to'liq o'tkazilgani haqida rasmiy ma'lumot berilmadi.