Fidelity yana 438 mln dollarlik kripto oldi 📈

Mashhur investitsiya kompaniyasi Fidelity o‘zining raqamli aktivlar portfelini sezilarli darajada kengaytirib, bir qator yetakchi kriptovalyutalarni xarid qildi. Arkham Intelligence tahliliy platformasining so‘nggi onchain ma’lumotlariga ko‘ra, kompaniya o‘tgan 20 savdo sessiyasi mobaynida o‘zining birja fondlari (ETF) orqali jami 438,9 million dollarlik Bitcoin, Ethereum va Solana sotib olgan.

Ushbu ko‘rsatkich kompaniyaning raqamli aktivlar mahsulotlariga, xususan, flagman kriptovalyutaga bo‘lgan talab barqaror saqlanib qolayotganini ko‘rsatadi. Xarid qilingan mablag‘larning katta qismi aynan Bitcoin fondiga to‘g‘ri kelib, mazkurlar davrda FBTC orqali 354,1 million dollarlik BTC to‘plangan.

Shu bilan birga, kompaniya boshqa yirik aktivlar bo‘lgan Ethereum va Solana bo‘yicha ham muayyan xaridlarni amalga oshirgan. Xususan, ko‘rsatilgan davr mobaynida Fidelity 66,6 million dollarlik Ethereum hamda 18,2 million dollarlik Solana xarid qilganini ma'lumotlar tasdiqlaydi.

Biroq, mazkur yirik institutsional xaridlar fonida Bitcoin narxida keskin o‘zgarishlar kuzatildi. Asosiy kriptovalyuta kursi yaqindagi 87 000 dollar atolidagi yuqoriroq cho‘qqidan bir necha haftalik eng past daraja bo‘lgan 81 000 dollargacha pasayib ketdi.

Bozordagi bunday keskin orqaga qaytish chakana treyderlar tomonidan bosim kuchayganidan dalolat beradi. Narxlar dinamikasining pasayishi sharoitida, Fidelity va boshqa yirik fondlar o‘zlarining faol xarid qilish siyosatini kelgusida ham davom ettira olishi hozircha noma'ligicha qolmoqda.