Alisa Pro 1 million obunachiga yetdi 🚀

Yandeks kompaniyasining sunʼiy intellekt asosida ishlaydigan Alisa Pro virtual yordamchisi oʻzining muhim natijasiga erishdi. Joriy yilning aprel oyida taqdim etilgan ushbu yangi xizmat atigi besh oy davomida bir million nafar faol obunachini yigʻishga muvaffaq boʻldi. Mazkur yutuq asosida YandexGPT 3 Pro deb nomlangan kuchli neyrotarmoq modeli yotadi, u foydalanuvchilarga matnlar bilan ishlash, yangi gʻoyalarni topish va murakkab savollarga javob olish imkoniyatini taqdim etadi.

Yangi sunʼiy intellekt modeli turli yoʻnalishdagi vazifalarni bajarishga qodir. U ijtimoiy tarmoqlar va bloglar uchun kontent tayyorlashdan tortib, dasturlash jarayonlari hamda oʻqishda yaqindan koʻmaklashadi. Shuningdek, Yandeksning aqlli kalonkalarida faoliyat yurituvchi bu yordamchi bolalarga ham foydali odatlarni oʻrgatib, ularni oʻyin shaklida tarbiyalashda qoʻl kelmoqda.

Statistik maʼlumotlarga koʻra, Alisa Pro xizmatiga kelib tushayotgan barcha soʻrovlarning qariyb 65 foizi bevosita kasbiy faoliyatga toʻgʻri keladi. Marketerlar, matn mualliflari, dasturchilar va oʻqituvchilar kabi mutaxassislar axborotni tahlil qilish, tahrirlash, reklama stsenariylarini tuzish hamda huquqiy masalalarni hal etishda mazkur yordamchidan faol foydalanmoqdalar. Taʼlim sohasida ham uning oʻrni yuqori boʻlib, talabalar va ustozlar oʻquv materiallarini tayyorlashda undan foydalanmoqda.

Professional foydalanishdan tashqari, Alisa Pro oilaviy foydalanuvchilar orasida ham katta eʼtibor qozondi. Har uchinchi obunachi bolalar uchun moʻljallangan taʼlimiy oʻyinlar, kvestlar, tonggi badantarbiya va uyquga tayyorgarlik koʻrish kabi ssenariylarni faol ishga tushirmoqda. Maʼlum boʻlishicha, bolalar mazkur oʻyinlarda jami 240 ming soatdan ortiq vaqt sarflagan, bu esa tizimning yosh avlodni oʻqitish va dam oldirishdagi salmoqli ulushini koʻrsatadi.