🐻 Новвойхонани talashgan ayiq 160 км йўл bosib qaytdi

Italiyada odamlar Xuan Каррито deya laqab qoʻygan ikki yoshli qoʻngʻir ayiq oʻzining sevimli новвойхонаси жойлашган Роккаразо шаҳарчасига қайтиб келди. Бу ҳақда Insider нашри хабар берди. "Майелла" миллий боғининг маълум қилишича, ширинликхўр ҳайвонни ёввойи табиатга қўйиб юбориш миссияси муваффақиятсиз якунланган.

Ушбу айиқ 2021 йилда Роккаразодаги новвойхонага бостириб кириб, у ердаги барча печеньеларни еб қўйганидан сўнг уни ушлаб, табиат қўйнига жўнатишга қарор қилинганди. Бунга қадар ҳам у шаҳар кўчаларида тез-тез кўриниш бериб, чиқинди идишларидаги пиццаларни истеъмол қилган ва фонтанлардан сув ичган.

Махсус хизматлар томонидан ухлатилиб, "Майелла" миллий боғининг чекка ҳудудига олиб бориб ташланган айиқ орадан 18 кун ўтиб ortga қайтди. Бунинг учун у нақ 160 километр масофани босиб ўтишга мажбур бўлган. Мутахассисларнинг таъкидлашича, Хуан Каррито жуда ноёб ҳисобланган Апеннин қўнғир айиғи турига мансуб бўлиб, бундай ҳайвонларнинг табиатда бор-йўғи 60 таси қолган.

Ҳайвонни табиатга чиқариб юбориш қарори аҳоли ва фаоллар томонидан турлича қарши олинди. Қарийб 2,5 минг киши имзо қўйган петицияда шаҳар аҳли уни ўзники деб билиши таъкидланган. Шу билан бирга, WWF Италия ташкилоти шаҳарда айиқ учун хавфсизлик чоралари кўрилмаганини танқид қилиб, ҳудудни сайёҳлар учун циркка айлантирмасдан, ҳайвонларнинг табиий ва хавфсиз ҳаракатланишини таъминлаш лозимлигини билдирди.