Fargʻonada toʻrt эгизак dunyoga keldi 👶

Fargʻona viloyatida yana bir quvonchli xabar qayd etildi. Fargʻona shahrining «Xoʻjamagʻiz» mahalla fuqarolar yigʻini hududida istiqomat qiluvchi Gʻanijon Odilov xonadonida bir yoʻla toʻrt nafar egizak dunyoga kelgani haqida OʻzA xabar bermoqda. Ota-ona chaqaloqlarga Toʻlqinboy, Abdukarim, Abduҳаkim va Zilola deb ism berishgan. Yangi tugʻilgan goʻdaklarning uchtasi oʻgʻil va bittasi qiz bolani tashkil etadi.

Ayni paytda onaning ham, goʻdaklarning ham salomatligi yaxshi ekani aytilmoqda. Shunga qaramay, malakali shifokorlar ularni oʻzlarining doimiy nazoratiga olishgan boʻlib, har tomonlama tibbiy e'tibor koʻrsatib kelishmoqda.

Xonadon bekasi Munavvarxon Odilovaning soʻzlariga koʻra, ular 2016 va 2018 yillarda ham farzandli boʻlishgan va ularning kattalari qizlar boʻlgan. Oilada endilikda uch oʻgʻil va uch qiz voyaga yetmoqda. Ota-ona bu ne'matdan behad mamnun ekanliklarini bildirib, shifokorlarga oʻz minnatdorchiligini izhor etgan.

Quvonchli voqeadan soʻng shahar FҲDYO organi xodimlari tugʻruqxonaga maxsus tashrif buyurishdi. Ular toʻrt egizak uchun tayyorlangan tugʻilganlik toʻgʻrisidagi guvohnomalarni ota-onaga tantanali ravishda topshirishdi.