Nvidia Shield TV Pro narxi 299 dollarga ko'tarildi 💸

Afsonaviy Android TV qurilmalaridan biri bo'lgan Nvidia Shield TV Pro bozorda paydo bo'lganidan naqd yetti yil o'tib o'zining narx siyosatini o'zgartirdi. Texnologiya bozoridagi umumiy vaziyat va qismlar qiymatining o'sishi sababli ushbu gadjet endi 299.99 dollarga sotilmoqda. Ilgarigi 199 dollarlik narx endilikda o'tmishda qoldi.

2019-yil oktabr oyida taqdim etilgan Shield TV Pro hozirgi kunga qadar ham eng kuchli Android TV strimerlaridan biri sanaladi. Garchi unda AV1 formatini qo'llab-quvvatlamaslik kabi zamonaviy talablarga mos kelmaydigan jihatlar bo'lsa-da, qurilma o'zining ayrim imkoniyatlari bilan hamon yetakchiligicha qolmoqda. Aynan shuning uchun ham kompaniya un ishlab chiqarishni shu vaqtgacha davom ettirib keldi.

Nvidia vakillarining tushuntirishicha, narxlarning oshishiga sanoat miqyosida xotira va boshqa zarur butlovchi qismlar tannarxining sezilarli darajada qimmatlashgani sabab bo'lgan. Shu bilan birga, 2019-yilda taqdim etilgan baza darajasidagi oddiy Shield TV qurilmasini ishlab chiqarish yakunlandi. Ushbu silindrsimon qurilma oylardan buyon sotuvda yo'q edi, biroq Pro versiyasi yaqinda Best Buy do'konlarida qaytadan paydo bo'ldi.

Eslatib o'tamiz, Nvidia joriy yil boshida Shield TV uchun dasturiy ta'minot yangilanishlarini yetkazib berishda davom etishini ma'lum qilgan edi. Hozirgi kunda narxlarning oshishi faqatgina ushbu brendga taalluqli emas, balki Google TV Streamer, Apple TV 4K va turli xil Roku qurilmalari ham yaqinda o'z narxlarini qimmatlashtirgan edi.