MacBook Pro va iPhone 17 Pro Max bog‘landi 📱

Kompyuter imkoniyatlarini oshirish uchun foydalanuvchilar turli usullarni qo'llashadi. Yaqinda qiziqarli tajriba o'tkazilib, unda MacBook Pro M4 Pro va iPhone 17 Pro Max qurilmalari o'zaro bog'landi va odatiy fayl ko'chirishdan o'zgacha maqsadda foydalanildi. Maxsus dastur yordamida ikkala qurilmaning resurslari birlashtirilib, sun'iy intellekt tezligini sezilarli darajada oshirishga muvaffaq bo'lindi.

Ma'lum bo'lishicha, foydalanuvchi kompyuterda Xitoyning Qwen 3.6 27B nomli sun'iy intellekt modelini ishga tushirmoqchi bo'lgan. Biroq MacBook Pro qurilmasining 24 gigabaytli birlashtirilgan xotirasi bu vazifa uchun cheklov tug'dirgan. Shunda iPhone 17 Pro Max smartfoni USB-C kabeli orqali ulinib, ikkala qurilma resurslari birlashtirilgan holda vazifalar o'zaro taqsimlab bajarilgan.

Ish jarayoni o'ziga xos tarzda tashkil etilgan bo'lib, MacBook Pro har bir 256 tokendan iborat to'plamning 1 dan 40 gacha bo'lgan qatlamlarini bajarib, so'ngra ma'lumotlarni telefonga uzatgan. Shundan so'ng smartfon o'zining A19 Pro chipidagi grafik protsessor yordamida 41 dan 64 gacha bo'lgan qatlamlarni qayta ishlagan. Shu vaqtda o'z vazifasini yakunlagan kompyuter keyingi to'plam ustida ish boshlagan. Natijada telefon o'zining alohida holatdagiga qaraganda taxminan 2,4 barobar samaraliroq ishlagan.

Shuningdek, smartfondagi Neural Engine ham muhim vazifani bajarib, eski kontekst ma'lumotlarini optimallashtirilgan modelga aylantirgan. Bu uzoq davom etadigan seanslar davomida qayta ishlash vaqtini qisqartirishga yordam bergan. Ikki ming tokenli faylni dastlabki qayta ishlashda tezkorlik o'sishi kontekst hajmiga qarab turlicha bo'lgan: 8000 tokenda 35 foizni, 16000 tokenda 44 foizni va 32000 tokenda 29 foizni tashkil etgan.

Biroq bu usul mukammal emas. Smartfon faqat 64 ming tokengacha bo'lgan kontekstni dastlabki qayta ishlashni tezlashtirishi mumkin, undan yuqori hajmda esa generatsiya to'liq kuchliroq chipga ega bo'lgan MacBook Pro zimmasida qoladi. Tajribada qo'llanilgan "backburner" nomli dastur GitHub tarmog'ida ochiq kodli ravishda mavjud. Tadqiqotchi kelgusida iPhone 18 Pro smartfonlaridagi A20 Pro chiplari qo'shimcha imkoniyatlar ochishi mumkinligini ham ta'kidlab o'tgan.