Coinbase institutsional bozorni kengaytirmoqda 📈

Kriptovalyuta birjasi bo‘lgan Coinbase an’anaviy moliya muassasalari uchun xizmatlar ko‘lamini kengaytirib bormoqda. Bunga moliyaviy institutlar o‘rtasida raqamli aktivlarga qiziqish ortib borayotgani sabab bo‘lmoqda.

Coinbase Institutional rahbari Liz Martinning ma’lum qilishicha, banklar o‘zlarining raqamli aktivlar xizmatlarini yo‘lga qo‘ymoqda, birja esa ularga infratuzilma yetkazib berish bilan birga o‘zining asosiy takliflarini kuchaytirmoqda. Ayniqsa,praym-brokerlik yo‘nalishi kompaniyaning eng jadal rivojlanayotgan qismlaridan biriga aylangani ta’kidlandi.

Hozirgi kunda BNY, DBS Bank va U.S. Bank kabi an’anaviy moliya muassasalari kriptovalyuta saqlash xizmatlarini taqdim etib kelmoqda. Shuningdek, Deutsche Bank ham ushbu sohaga kirish niyatida ekanini ma’lum qilgan.

Shu hafta Coinbase Circle kompaniyasining USDC steyblkoin balanslarini Coinbase Prime institutsional platformasi orqali Samsung Wallet’da saqlashini e’lon qildi. O‘z navbatida, USDC AQShda oy oxirigacha ishga tushishi kutilayotgan Samsung to‘lov xizmatining asosiy dollar steyblkoini bo‘lishi ko‘zda tutilgan.

Bundan tashqari, birja Deribit integratsiyasi yakunlanganini va tez orada AQSh hamda xalqaro kripto-derivativlar bozorlarini yagona likvidlik hovuziga birlashtirishini bildirdi. O‘tgan yili Coinbase dunyodagi eng yirik savdo platformasi sifatida ta’riflangan Deribit’ni taxminan 2,9 milliard dollarga sotib olishga kelishib olgan edi.