Pokiston bilan terrorizmga qarshi kurashamiz 🤝

Eron Qurolli kuchlari Bosh shtabi rahbari general-mayor Muhammad Bag'iriy Pokiston armiyasi qo'mondoni general Osim Munir nomiga maxsus maktub yo'lladi. Ushbu maktubda Pokistonning Balujiston viloyatida Payg'ambarimiz tavalludi munosabati bilan o'tkazilgan bayram tadbirlari chog'ida uyushtirilgan mudhish terakt keskin qoralandi.

Mazkur qonli jinoyat oqibatida ko'plab begunoh fuqarolar halok bo'ldi va jarohat oldi. Eron tomoni bu voqeadan chuqur qayg'uda ekanini bildirib, qurbonlarning oila a'zolariga hamdardlik izhor etdi va barcha jarohatlanganlar tez fursatda sog'ayib ketishini tiladi.

General-mayor Muhammad Bag'iriy o'z murojaatida terakt ortida turgan qabih kuchlar jazosiz qolmasligiga ishonch bildirdi. Uning so'zlariga ko'ra, Pokistonning huquq-tartibot va xavfsizlik idoralari ushbu jinoyatni sodir etganlarni tez orada aniqlab, qo'lga oladi hamda qатiy sud hukmi bilan jazolaydi.

Shu bilan birga, maktubda Eron Qurolli kuchlari terrorizmga qarshi kurashish yo'lida Pokiston hukumati va armiyasiga har tomonlama yordam berishga hamda hamkorlik qilishga tayyorligi qат'iy ta'kidlandi. Bu kabi insoniylikka zid xatti-harakatlar ikki qo'shni davlatning terrorga qarshi birgalikda kurashish irodasini yanada mustahkamlashi qayd etildi.