AMD Radeon 24.7.1 drayveri chiqdi 🎮

AMD kompaniyasi video-kartalar uchun navbatdagi Radeon Software Adrenalin 24.7.1 WHQL grafik drayverini chiqarishdi. Ushbu yangilanish bir qator yangi o'yinlar uchun rasmiy ko'makni taqdim etib, tizim ish faoliyatini sezilarli darajada yaxshilaydi va ma'lum xatolarni bartaraf etadi.

Drayverning asosiy yangiliklaridan biri "Zenless Zone Zero" hamda "Kunitsu-Gami: Path of the Goddess" o'yinlarini qo'llab-quvvatlash hisoblanadi. Xususan, "Kunitsu-Gami: Path of the Goddess" loyihasi uchun 4K o'lchamli tasvirda unumdorlik sezilarli darajada oshdi. Jumladan, Radeon RX 7900XTX video-kartasida oldingi versiyaga nisbatan 16 foizgacha, Radeon RX 7800XT hamda RX 7600XT modellarida esa 12 foizgacha tezlik o'sishi kuzatildi.

Shuningdek, yangilanish doirasida HYPR-Tune texnologiyasining imkoniyatlari kengaytirildi. Endilikda Gray Zone Warfare, Lords of the Fallen, RoboCop: Rogue City va Like a Dragon Gaiden: The Man Who Erased His Name loyihalari uchun ham avtomatik optimizatsiya taqdim etiladi. AMD HYPR-RX va HYPR-Tune kombinatsiyasi o'yinlarda tasvir sifati va tezkorlik o'rtasidagi muvozanatni ta'minlaydi.

Dota 2 ishqibozlari uchun muhim yangilik – AMD Radeon Anti-Lag 2 texnologiyasining joriy etilishidir. RDNA arxitekturasiga asoslangan mahsulotlar uchun kiritish kechikishini kamaytiruvchi bu funksiya DirectX 11 API orqali ishlaydi. O'yinchilar endi maxsus klavishlar yordamida tizim kechikishini real vaqt rejimida kuzatishi va taqqoslashi mumkin.

Drayverni ishlab chiqish jarayonida ko'plab texnik muammolar ham hal qilindi. Xususan, Fortnite loyihasidagi DirectX 12 rejimi, TEKKEN 8 va Dying Light 2 o'yinlaridagi tekstura buzilishlari, shuningdek, Marvel's Guardians of the Galaxy tizimidagi kutilmagan to'xtashlar tuzatildi. Shu bilan birге, Battlefield 2042 o'yinidagi past unumdorlik va AV1 formatida yozib olishdagi audio-video desinxronizatsiya kabi ayrim ma'lum muammolar hali saqlanib qolayotgani ma'lum qilindi.