Texnologiya va Gadjetlar

⚖️ Toshkentda 3 yoshli bola qotiliga hukm o'qildi

8-okt 05:24 1 daqiqa 0

Toshkentda uch yoshli bolani o'ldirgan shaxsga sud hukmi o'qilib, 24 yilga ozodlikdan mahrum etildi.

Toshkent shahrida uch yoshli bolaning qotiliga nisbatan sud jarayoni o'z nihoyasiga yetib, qonuniy hukm e'lon qilindi. Avvalroq, qonuniy nikohsiz yashab kelayotgan ayolning oldingi turmuşidan tug'ilgan farzandini vahshiylarcha o'ldirgan shaxs qo'lga olingani haqida xabar berilgan edi.

Bugun, 29 noyabr kuni jinoyat ishlari bo'yicha Mirzo Ulug'bek tuman sudida ushbu jinoyat ishini birinchi instansiyada ko'rib chiqish bo'yicha ochiq sud jarayoni yakunlandi. Sudya S. Abdug'aniev raisligida o'tgan ochiq sudda 1993 yilda Farg'ona viloyatida tug'ilgan S.M. ga oid jinoyat ishi ko'rib chiqildi va yakuniy qaror chiqarildi.

E'lon qilingan sud hukmiga muvofiq, sudlanuvchi S.M. Jinoyat kodeksining 97-moddasi 2-qismi, 25,97-moddasi, 219-moddasi 2-qismi hamda 251-1-moddasi 3-qismida nazarda tutilgan jinoyatlarni sodir etganlikda aybli deb topildi. Unga nisbatan Jinoyat kodeksining 59-moddasi tartibida 24 yil muddatga ozodlikdan mahrum qilish jazosi tayinlandi.

Shu bilan birgalikda, Jinoyat kodeksining 50-moddasi 9-qismiga asosan, sudlanuvchiga tayinlangan jazoning dastlabki 4 yilini turmada saqlash va qolgan qismini qattiq tartibli koloniyalarda o'tatish belgilab qo'yildi.

Manba / Источник: Yangiliklar