"Пахтакор" ҳакамларни танқид қилди ⚽

O'zbekiston Superligasining 11-turidan o'rin olgan qoldirilgan uchrashuvda "Paxtakor" Jizzaxda "So'g'diyona" mehmoni bo'lib, 2:2 hisobida durang o'ynadi. Mazkur bahsdan so'ng "sherlar" matbuot xizmati jamoa duch kelgan hakamlik qarorlari yuzasidan rasmiy bayonot e'lon qildi va o'yindagi holatlarga o'z munosabatini bildirdi.

Uchrashuv boshida toshkentliklar faol harakat qilib, ikkita tezkor gol urishdi. Dastlab Sobirxo'jayev 16 metrlardan aniq zarba yo'llagan bo'lsa, 19-daqiqada Banashakning uzatmasidan keyin Cheran hisobni oshirdi. Biroq shundan so'ng jamoa nafaqat mezbonlarga, balki boshqa qarorlarga ham qarshi kurashishga majbur bo'lgani iddao qilindi. Bo'lim oxirida Kolakovich bosh bilan to'p kiritib, farqni qisqartirdi.

Ikkinchi bo'lim boshida, aniqrog'i 52-daqiqada Odil Hamrobekov raqib bilan kurashda Salohovning ustiga tushib ketdi. Klub bu vaziyatda ataylab qo'pollik qilinmagani, fizik qonuniyatlarga ko'ra sakragan inson yerga qaytishini ta'kidlab, hakam tomonidan ko'rsatilgan qizil kartochkani asossiz deb topdi. Shuningdek, uchrashuv davomida Cheranning goli bekor qilingani va boshqa vaziyatlarda hakamlar xatoga yo'l qo'ygani aytildi.

O'yin oxirida ikkinchi bo'limga qo'shib berilgan 7 daqiqali vaqt tugagach, hakam 13-daqiqada mezbonlar foydasiga penalti belgiladi. Klub bu holat oldindan reja qilingandek sodir bo'lgani va o'zbek futbolining rivoji qaysidir hakamning qaroriga bog'liq bo'lib qolmasligiga umid bildirishini ma'lum qildi.