Oltin quymalarning iqtisodiy ahamiyati 🪙

O‘zbekistonda aholi uchun oltin quymalarni tijorat banklari orqali sotish jarayoni 2020 yilning noyabr oyidan boshlangan edi. Mazkur mahsulotlar 5, 10, 20 va 50 gramm og‘irlikdagi sof 999,9 probali oltindan tayyorlanadi. Bosh bank vakillarining tushuntirishicha, ushbu amaliyot mamlakat iqtisodiyoti uchun muhim samaradorlik kasb etadi.

Xususan, o‘z jamg‘armalarini asosan AQSH dollarida saqlashga o‘rgangan fuqarolar moliyaviy vosita sifatida oltin quymalarni xarid qilish imkoniyatiga ega. Bu esa o‘z navbatida xorijiy valyutaga bo‘lgan umumiy talabning qisqarishiga olib keladi. Natijada mamlakat iqtisodiyotining dollarlashish darajasi pasayadi va hozirgi kunda deyarli barcha rivojlanayotgan davlatlar aynan shunga intilmoqda.

Bundan tashqari, oltin hech qanday davlat iqtisodiyoti yoki milliy valyutasiga bog‘liq bo‘lmagan aktiv ҳisoblanadi. Aynan shu xususiyat unga global inqiroz sharoitida ishonchli zaxira mablag‘i vazifasini bajarish imkonini beradi. Mutaxassislarning ta'kidlashicha, shunday notinch davrlarda, xuddi 2020 yildagidek, oltinning narxi keskin o‘sishi kuzatilishi mumkin.

Markaziy bankning 14 iyun soat 14:10 holatiga ko‘ra e'lon qilingan ma'lumotlariga binoan, oltin quymalarning joriy narxlari quyidagicha belgilangan: 5 grammlik quyma — 3 266 000 so‘m, 10 grammlik quyma — 6 531 000 so‘m, 20 grammlik quyma — 12 935 000 so‘m hamda 50 grammlik oltin quyma — 32 337 000 so‘m.