Binance’dan 23 mingdan ortiq Bitkoin yechib olindi 📉

CryptoQuant tahliliy maʼlumotlariga koʻra, sentabr oyining oxirgi haftasida Binance birjasidan rekord hajmda Bitkoin chiqib ketishi kuzatildi. Faqatgina yetti kun ichida birjadan 23,137 BTC olib chiqib ketilgan boʻlib, bu koʻrsatkich 2023-yil iyunidan beri kuzatilgan eng yirik haftalik chiqindi hisoblanadi. Shuningdek, 20-sentabrdan boshlab birjaning umumiy zaxiralari qariyb 40,000 BTC ga kamaygani aniqlandi.

Bunday ulkan mablagʻ harakati hali bozor narxlarida keskin oʻsishni keltirib chiqargani yoʻq. Oktabr oyining boshlarida Bitkoin taxminan 85,300 dollar atrofida savdo qilinib, sentabr oyidagi 87,400 dollarlik qarshilik darajasidan pastda qolmoqda. Mutaxassislar 82,500 dollat atrofini asosiy yaqin qoʻllab-quvvatlash darajasi sifatida belgilamoqda.

CryptoQuant tahlilchilarining fikricha, birjadan tangalarning chiqib ketishi investorlar ularni sotish uchun emas, balki uzoq muddatli saqlash uchun boshqa manzilga koʻch Vurayotganidan dalolat beradi. Biroq, bu tranzaksiyalar mablagʻlarning egasi kimligini yoki tangalar oxir-oqibat qayerga yoʻnaltirilishini toʻliq koʻrsatib bermaydi. Bunday chiqishlar ichki hamyonlarni boshqarish yoki institutsional hisob-kitoblar bilan ham bogʻliq boʻlishi mumkin.

Shu bilan birga, yirik investorlar – kitlarning faolligi ham eʼtiborni tortmoqda. Avgust oyida yirik egalar 60 kun ichida qariyb 43,000 BTC jamgʻargani maʼlum boʻlgandi. Bundan tashqari, birjaga yirik miqdordagi barqaror tangalar, yaʼni steyblkoinlar oqimi ham oshgani kuzatilib, bu bozor ishtirokchilarining keyingi harakatlariga zamin hozirlashi mumkin.