SHIB tokeni yoqilish darajasi keskin oshdi 🚀

So'nggi bir kecha-kunduz ichida mashhur Shiba Inu kriptovalyutasining yoqilish darajasi 6847 foizdan ortiq misli ko'rilmagan o'sishni qayd etdi. Shibburn xizmati ma'lumotlariga ko'ra, mazkur davrda umumiy hisobda 297 milliondan ziyod SHIB tokeni muomaladan chiqarilib, butunlay yo'q qilingan. Bu keskin sakrashga asosan qiymati qariyb 297,6 million SHIBga teng bo'lgan yagona yirik tranzaksiya sabab bo'lgan. Bundan tashqari, Uniswap, Coinbase, Robinhood kabi platformalardan ham kichikroq hajmda tokenlar yoqib yuborilgani qayd etildi.

Ushbu faollik natijasida oxirgi yetti kun ichida yoqilgan tokenlar hajmi 394,2 millionga yetib, haftalik ko'rsatkich 1821 foizdan oshdi. Oxirgi o'tgan o'ttiz kunlik davrda esa jami 666,9 milliondan ortiq SHIB tokeni muomaladan chiqarilgan. Token ta'minotining qisqarishi bilan bir vaqtda uning ekotizimida ham muhim texnik o'zgarishlar ro'y berdi.

Xususan, Sunrise protokoli orqali SHIB tokeni Solana tarmog'iga chiqdi va Jupiter, Raydium, Phantom hamda Kamino kabi ilovalarda foydalanishga topshirildi. Buning ortidan foydalanuvchilar o'z tokenlarini Solana tarmog'idan chiqmasdan turib, ushbu ekotizimning markazlashtirilmagan moliya ilovalarida bevosita boshqarish va savdo qilish imkoniyatiga ega bo'ldilar.

Kriptovalyuta bozorida esa seshanba kuni aralash savdo dinamikasi kuzatilmoqda. Treyderlar AQSh Federal zax tizimining so'nggi yig'ilishi bayonotlari e'lon qilinishini kutyaptilar. Bozor ishtirokchilari FZT yaqin yig'ilishda foiz stavkalarini o'zgarishsiz qoldirish ehtimolini 78 foiz deb baholamoqda.

Ayni vaqtda SHIB narxi bozordagi noaniq harakatlarga monand ravishda so'nggi 24 soatda 0,95 foizga pasayib, 0,000005893 dollarni tashkil etdi. Shunga qaramay, haftalik kesimda token hali ham 2,09 foizlik o'sishni saqlab qolmoqda. Haft oxiriga kelib esa SHIB uchun so'nggi ikki yil ichidagi ilk kundalik «oltin kesish» (golden cross) sodir bo'lgan edi.