iPhone 18 Pro Max o'yin testlari 🎮

Har galgi yangi avlod taqdim etilishi bilan iPhone qurilmalari portativ o'yin konsollariga yana bir qadam yaqinlashib bormoqda. iPhone 17 Pro va iPhone 18 Pro seriyalariga o'rnatilgan A19 Pro hamda A20 Pro protsessorlari maxsus o'yin qurilmalari bilan raqobatlashish uchun yetarlicha quvvatga ega. Jumladan, yangiroq A20 Pro chipi ayrim sinovlarda ROG Xbox Ally X bilan tenglasha oladi yoki undan ham o'zib ketadi.

Biroq smartfon chiplari qanchalik kuchli bo'lmasin, ular qizib ketish muammosiga duch keladi. Aksariyat smartfonlar, jumladan iPhone'lar ham ventilyator kabi faol sovutish tizimidan foydalanmaydi, balki issiqlikni tarqatish uchun bug' kameralari kabi passiv usullarga tayanadi. Aynan shuning uchun ham Apple yangi bug' kamerasi orqali yaxshilangan sovutish tizimini e'lon qilganida, texnologiya ixlosmandlari qurilma qizishga qanchalik chidamli ekanini bilishni xohlashdi.

iPhone 18 Pro Max modeli "Resident Evil 4 Remake" va "Death Stranding" o'yinlarida sinovdan o'tkazildi. "Resident Evil 4" o'yinida iPhone 17 Pro Max atigi 2 daqiqayu 39 soniyada "Qoniqarli" qizish holatiga yetgan bo'lsa, iPhone 18 Pro Max bu darajaga 8 daqiqayu 13 soniyada yetib keldi. O'yin davomida 17 Pro Max unumdorligi tushib ketgan bo'lsa, yangi model barqarorroq natija ko'rsatdi. "Death Stranding" sinovida ham shunga o'xshash holat kuzatilib, yangi smartfon qizish holatlariga ancha kech kirishdi va unumdorlikni yaxshiroq saqlab qoldi.

Hisob-kitoblarga ko'ra, iPhone 18 Pro Max "Resident Evil 4 Remake" o'yinida unumdorlik yo'qotilishini taxminan 23 foizga, "Death Stranding" o'yinida эsa 69 foizga qisqartiradi. Eng muhimi, A20 Pro buni yuqori quvvat sarfi va yuqori unumdorlikni saqlagan holda bajarmoqda. Kelgusida Apple tomonidan chiqarilishi kutilayotgan o'yin boshqaruvchisi bu boradagi imkoniyatlarni yanada kengaytirishi mumkin.