Sennheiser Momentum True Wireless 4 taqdim etildi 🎧

Sennheiser kompaniyasi CES 2024 ko'rgazmasi doirasida o'zining yangi mahsulotlarini e'lon qildi. Yaqinda sotuvga chiqqan Accentum Plus Wireless quloqchinlaridan so'ng, endilikda yangi flagman — Sennheiser Momentum True Wireless 4 vako-quloqchinlari ham xaridorlarga taqdim etildi.

Ushbu aqlli quloqchinlar ishlab chiqaruvchining rasmiy sayti hamda Amazon kabi boshqa savdo maydonchalari orqali sotuvga chiqarilgan. Tavsiya etilgan chakana narxi 299,90 yevroni tashkil qiladi va xaridorlarga uchta rang varianti — Black Copper, Black Graphite hamda White Silver taqdim etiladi.

Yangi Sennheiser Momentum True Wireless 4 2022 yilda chiqarilgan avvalgi Momentum True Wireless 3 modeliga nisbatan bir qator muhim yaxshilanishlarga ega. Xususan, ular TrueResponse ovoz chiqarish drayver tizimi, Qualcomm S5 Sound Gen 2 platformasi va yo'qotishlarsiz aptX ovoz sifatini ta'minlovchi Snapdragon Sound texnologiyasi bilan jihozlangan. Shuningdek, qurilma Bluetooth 5.4, Auracast va LE Audio standartlarini ham qo'llab-quvvatlaydi.

Ishlab chiqaruvchining ma'lumotlariga ko'ra, qo'shimcha optimizatsiyalar qatoriga yanada takomillashtirilgan moslashuvchan shovqinni bekor qilish (ANC) tizimi, qayta sozlangan ovoz va 7,5 soatgacha ishlaydigan optimallashtirilgan akkumulyator tizimi kiradi. To'plamga mato qoplamali stilize qilingan quvvatlash qutisi kiritilgan bo'lib, u umumiy foydalanish vaqtini 30 soatgacha uzaytiradi.

Shuningdek, yangi model Qi simsiz quvvatlash funksiyasini qo'llab-quvvatlaydi va tezkor quvvat olish imkoniyati atigi 8 daqiqalik quvvat evaziga qo'shimcha 1 soatlik tinglash vaqtini taqdim etadi. Yetkazib berish hajmiga to'rtta o'lchamdagi quloq yostiqchalari to'plami, uchta o'lchamdagi quloq qanotlari va USB-C quvvatlash kabeli kiritilgan.