Banklar $230 mlrd yo‘qotishi mumkin 💸

Capgemini tahlil kompaniyasi tomonidan e'lon qilingan «World Payments Report 2027» nomli yangi hisobotga ko'ra, 2030-yilga kelib blokcheynga asoslangan to'lov vositalari butun dunyo bo'ylab umumiy to'lovlar hajmining 4 foizini tashkil qiladi. Mutaxassislar ushbu o'zgarishlar an'anaviy banklar daromadi hamda foydasiga jiddiy ta'sir ko'rsatishini, xususan, valyuta juftliklaridagi spredlar, korrespondentlik operatsiyalari va komissiya yig'imlaridan keladigan tushumlar kamayishini ta'kidlashmoqda.

Hozirgi vaqtda yirik kompaniyalarning taxminan 4 trillion dollarga yaqin mablag'i xalqaro tranzaksiyalarni ta'minlash maqsadida bank hisob raqamlarida muzlatilgan holatda turibdi. Biroq steyblkoinlar, markaziy banklarning raqamli valyutalari va tokenlar orqali to'lovlar rivojlanib borishi bilan bu mablag'lar bank tizimidan butunlay chiqarib yuborilishi mumkinligi taxmin qilinmoqda.

Tadqiqot doirasida daromadi 1 milliard dollardan oshgan 1110 ta yirik kompaniya vakillari o'rtasida so'rovnoma o'tkazildi. Unga ko'ra, agar banklar o'xshash darajadagi xizmatlarni taklif eta olmasa, bunday yirik korporatsiyalarning qariyb 60 foizi bank xizmatlaridan voz kechib, blokcheyn to'lov tizimlariga o'tishga tayyor ekanligini bildirgan. Shu bilan birga, agar moliya muassasalari steyblkoin va kriptovalyutalarda qulay ҳамda narx bo'yicha raqobatbardosh hisob-kitoblarni ta'minlay olsa, so'rovda qatnashgan kompaniyalarning 71 foizi o'z banklari bilan hamkorlikni davom ettiradi.

Hisobot mualliflari 300 nafar bankir-respondent fikriga tayanib, xususiy banklarning atigi 21 foizigina blokcheyn bazasidagi to'lov vositalarini faol ravishda rivojlantirayotganini ma'lum qildi. Aksariyat bankirlar qisqa muddatli istiqbolda mavjud qonunchilik amaliyoti va mijozlar mablag'larini saqlab qolish istagidan kelib chiqib, bank depozitlarini tokenizatsiya qilishni ustuvor vazifa deb hisoblamoqda.

Capgemini kompaniyasining to'lov xizmatlari yo'nalishi rahbari Yерун Xёльшерning so'zlariga ko'ra, hozirda 230 milliard dollar xatarga tikilgan bo'lib, banklar ushbu shakllanib borayotgan ekotizimda qanday rol o'ynashni xohlashlarini tez fursatda hal qilishlari zarur. Eslatib o'tamiz, avvalroq Rossiya banklari ham raqamli rubl joriy etilishi tufayli yillik 100 mlrb rubgacha daromadidan ayrilishi mumkinligi haqida xabar berilgandi.