Stellar (XLM) RWA bozorida yetakchi! 🚀

So'nggi 24 soat ichida yetakchi o'nta blokcheyn tarmog'ida real aktivlar tokenizatsiyasi kapitallashuvi 96,5 million dollarga oshdi. RWA Foundation tashkilotining Token Terminal ma'lumotlariga tayanib xabar berishicha, ushbu umumiy oqimning uchdan bir qismidan ko'prog'i, aniqrog'i 36,4 million dollari aynan Stellar (XLM) tarmog'iga to'g'ri kelgan.

Mazkur muvaffaqiyat blokcheyn platformasiga global miqyosdagi kunlik o'sishning 37 foizini ta'minlash hamda bozorda ishonchli tarzda birinchi o'rinni egallash imkonini berdi. Ikkinchi o'rinni egallagan BNB Chain tarmog'i esa 23,2 million dollar qo'shib olgan bo'lib, ushbu ikki tarmoq sektor bo'yicha umumiy sof oqimning 62 foizini tashkil etdi. Shuningdek, XLayer tarmoqqa 9,8 million dollar, Solana esa 7,7 million dollar jalb qilgan.

Sentyabr oyi oxiriga kelib RWA sektorining umumiy bozor qiymati 46 milliard dollarga yaqinlashdi. RWA.xyz ma'lumotlariga ko'ra, Stellar ekotizimida loyihalar soni nisbatan kam (72 ta) bo'lishiga qaramay, har bir tashabbusga to'g'ri keladigan o'rtacha qulflangan mablag' miqdori 48 million dollardan oshadi. Taqqoslash uchun, chakana investorlarga mo'ljallangan Solana tarmog'ida bu ko'rsatkich atigi 1,4 million dollarni tashkil qiladi.

Oktyabr oyining boshida Stellar tarmog'ida tarqatilgan RWA aktivlarining umumiy qiymati 3,47 milliard dollarga yetdi va so'nggi 30 kun ichida 5,86 foizga o'sdi. Tarmoq ichidagi oylik o'tkazmalar hajmi esa 45 foizga oshib, 581,5 million dollarni tashkil qildi.

Ekotizimdagi asosiy likvidlik drayverlari sifatida yirik tartibga solinadigan fondlar qolmoqda. Bular qatoriga Spiko Amundi Overnight Swap Fund, Ondo U.S. Dollar Yield va Franklin Templeton BENJI kabilari kiradi. Moliyaviy institutlar Stellar infratuzilmasi hamda Soroban smart-kontraktlarini past tranzaksiya xarajatlari va o'rnatilgan regulyativ muvofiqlik mexanizmlari tufayli afzal ko'rmoqdalar.