Microsoft Snapdragon protsessorli yangi qurilmalarni taqdim etdi 💻

Microsoft kompaniyasi sun’iy intellekt funksiyalariga ixtisoslashgan yangi Copilot+ PC turkumini ochib, uning ilk vakillari sifatida yangi Surface Laptop hamda Surface Pro qurilmalarini taqdim etdi. Ushbu gadjetlar Qualcomm Snapdragon X seriyali protsessorlari bilan jihozlangan bo‘lib, Windows operatsion tizimining yangi imkoniyatlarini taqdim etishga mo‘ljallangan.

Yangi Microsoft Surface Laptop modeli Snapdragon X Elite va X Plus protsessorlari bilan ishlaydi. Xaridorlar uni 13,8 dyuymli hamda 15 dyuymli ekran o‘lchamlarida xarid qilishlari mumkin. Qurilma 45 TOPS quvvatga ega Qualcomm Hexagon NPU sun’iy intellekt bloki va Qualcomm Adreno grafik chipi bilan ta'minlangan. Shuningdek, 16 yoki 32 GB tezkor xotira hamda 256 GB dan 1 TB gacha bo‘lgan SSD xotira variantlari mavjud.

Ekran xususiyatlariga kelsak, 13,8 dyuymli versiya 120 Gts chastotali PixelSense Flow displeyiga ega bo‘lsa, 15 dyuymli model ham shunday chastotali sensorli ekran bilan jihozlangan. Ikkala displey ham Corning Gorilla Glass 5 himoya oynasiga ega. Shuningdek, noutbuklar USB-C, USB-A, Wi-Fi 7, Bluetooth 5.4, 1080p kamera va Dolby Atmos dinamiklari bilan jihozlangan bo‘lib, batareya quvvati 22 soatgacha videoni ijro eta oladi.

Yangilangan Surface Pro planshet-noutbuki ham Snapdragon X Plus va X Elite chiplari bazasida ishlaydi. U 16 yoki 32 GB operativ xotira hamda 1 TB gacha ichki xotira variantlarini taklif qiladi. Ushbu qurilmaning diqqatga sazovor joyi uning 13 dyuymli OLED ekraniga egaligidadir, biroq alternativ sifatida LCD displeyli versiyasi ham taqdim etilgan.