Samsung quloqchinlarda UWB davrini boshlaydi 🎧

Janubiy Koreyaning texnologiya giganti Samsung kelgusida taqdim etiladigan Galaxy Buds quloqchinlari uchun yangi avlod ovoz uzatish texnologiyasini joriy etishga hozirlik ko‘rmoqda. AQSh Patent va Savdo Markasi Ofisiga taqdim etilgan yangi patent arizasiga ko‘ra, kompaniya simsiz quloqchinlarda an'anaviy Bluetooth o‘rniga ultra keng polosli (UWB) texnologiyasini tatbiq etishni maqsad qilgan. Ushbu tizimga ko‘ra, qurilmalar o‘rtasidagi dastlabki ulanish jarayoni harimgidek Bluetooth yordamida amalga oshiriladi, biroq to‘g‘ridan-to‘g‘ri ovoz uzatish ishlari UWB texnologiyasiga o‘tkaziladi.

Mazkur texnologik o‘zgarish uzoq vaqtdan beri mutaxassislar va foydalanuvchilar tomonidan tanqid qilib kelinayotgan Bluetooth texnologiyasining asosiy cheklovlari — yuqori kechikish va past bant kengligi muammolariga yechim bo‘lishi kutilmoqda. Samsung tomonidan taqdim etilgan patent tavsiflarida UWB texnologiyasi bir qator muhim afzalliklarni taqdim etishi qayd etilgan. Jumladan, u yanada past kechikish vaqtini, minimal parazit holatlarini, soniyasiga 20 megabitgacha bo‘lgan yuqori ma'lumot uzatish tezligini hamda tejamkor quvvat sarfini ta'minlay oladi.

Bluetooth texnologiyasining hozirgi kundagi bant kengligi cheklangani sababli ovoz sifatini pasaytirmasdan uzatish qiyin kechardi. Yangi yechim evaziga kelgusidagi Galaxy Buds modellarida kayıpsız (yo‘qotishsiz) ovoz uzatish imkoniyati ochiladi, bu esa Samsung mahsulotlarining bozordagi savdo ko‘rsatkichlariga ijobiy ta'sir ko‘rsatishi mumkin. Shuni ham alohida ta'kidlash kerakki, patentda ko‘rsatilgan barcha afzalliklardan to‘liq foydalanish uchun ovoz uzatayotgan manba qurilma — ya'ni foydalanuvchining smartfoni, kompyteri yoki plansheti ham o‘z navbatida UWB apparat ta'minotiga ega bo‘lishi talab etiladi. Hozirgi kunda esa Apple, Google va Samsung kompaniyalarining asosiy flagman telefonlari allaqachon ushbu texnologik jihoz bilan ta'minlangan.

Shu tariqa, Samsung UWB texnologiyasi yordamida audio uzatish sohasida tubdan yangi davrni boshlashni rejalashtirayotgan bir paytda, boshqa raqobatdosh kompaniyalar ham bu borada o‘z rejalarini amalga oshirmoqda. Misol uchun, Qualcomm kompaniyasi ham XPAN texnologiyasini qo‘llab-quvvatlaydigan quloqchinlar orqali Wi-Fi tarmoqlari vositasida ovoz uzatishni yo‘lga qo‘ymoqni maqsad qilgan. Bularning barchasi yaqin kelajakda simsiz ovoz va musiqa tinglash tajribasi sifati sezilarli darajada oshishidan dalolat beradi.