Base tarmoғи Cobalt yangilanishini ishga tushirdi 🚀

L2 tarmog'i hisoblangan Base jamoasi asosiy tarmoqda Cobalt nomli navbatdagi yangilanish muvaffaqiyatli ishga tushirilganini e'lon qildi. Ushbu o'zgarishlar treyderlarga o'z amaliyotlari uchun aniq shartlarni qo'yish imkoniyatini taqdim etsa, aktivlarni tokenizatsiya qiluvchilarga qo'shimcha nazorat vositalarini beradi.

Asosiy yangiliklardan biri bu Validity Transactions funksiyasi bo'ldi. U imzolangan operatsiyaga onlayn shartlarni biriktirish imkonini beradi va talablar bajarilmaguncha amaliyot faol bo'lmaydi. Tranzaksiya blokga tushgunga qadar boshqa tarmoq qatnashchilariga ko'rinmaydi. Shartlar sifatida hamyon balansi, blok raqami yoki smart-kontrakt holati xizmat qilishi mumkin.

Cobalt yangilanishi, shuningdek, barqaror tangalar va tokenlashtirilgan aktivlarni chiqarish uchun foydalaniladigan B20 standartini kengaytirdi. Endilikda tokenlarga bir nechta cheklovlarni bir vaqtning o'zida tatbiq etish mumkin. Yangi tarkibiy siyosatlar oq va qora ro'yxatlarni birlashtirish imkonini beradi.

Bundan tashqari, aktivlarning ko'rsatiladigan miqdoriga ta'sir qiluvchi koeffitsiyent o'zgarishini oldindan rejalashtirish imkoniyati paydo bo'ldi. Bu aksiyalarni bo'lish jarayonida juda qo'l keladi. Yana bir yangi funksiya seizeWithMemo deb nomlanib, vakolatli administratorga egasining roziligisiz tokenlarni boshqa manzilga o'tkazish hamda tushuntirish yozish imkonini beradi.