Reeder daromadidan ko‘p zarar qildi 📉

Reeder Teknoloji kompaniyasi tomonidan Qimmatli qog‘izlar birjasiga taqdim etilgan moliyaviy hisobotga ko‘ra, joriy yilning ikkinchi choragida sezilarli miqdordagi moliyaviy yo‘qotishlar qayd etildi. Aprel-iyun oylarini o‘z ichiga olgan davrda kompaniya 297,2 million turk lirasi miqdorida savdo daromadiga ega bo‘ldi. Biroq mazkur davrdagi sof zarar miqdori 545 million lirani tashkil etib, tushumdan deyarli ikki barobar ko‘p ko‘rsatkichni qayd etdi.

2025-yilning birinchi yarim yilligi yakunlariga ko‘ra ham moliyaviy ahvol salbiy yo‘nalishda qolmoqda. Yanvar-iyun oylarida Reeder jami 842,4 million lir daromad to‘plagan bo‘lsa-da, hisobot davridagi sof zarar 950 million liraga yetdi.

Taqqoslash uchun, o‘tgan yilning mos davrida kompaniya faoliyati boshqacharoq natijalarni ko‘rsatgan edi. 2024-yilning birinchi yarmida Reeder 1,26 milliard lirа miqdorida tushum qayd etib, 827 million lir zarar ko‘rganligini ma'lum qilgandi.