May oyida eng ko'p sotilgan avtomobillar 🚗

Joriy yilning yanvar-may oylarida avtomobil savdosi hajmi o'tgan yilning mos davriga nisbatan 5,1 foizga ko'payib, 394 327 donani tashkil etdi. Shu bilan birga, yengil tijorat avtomobillari bozori biroz pasayish ko'rsatib, 1,7 foizga kamaydi va 95 039 donaga tushdi.

May oyida avvalgi oylardagidek mutlaq rekordlar qayd etilmagan bo'lsa-da, umumiy bozorda ijobiy o'sish kuzatildi. Xususan, yengil va tijorat transport vositalarining umumiy savdosi o'tgan yilning may oyiga qaraganda 7,4 foizga yuqorilab, 107 730 taga yetdi. Shundan yengil avtomobillar savdosi 85 123 donani tashkil etib, 6,1 foizlik o'sishni ko'rsatdi, yengil tijorat mashinalari esa 22 607 dona sotilib, 12,8 foizga ko'paydi.

Bozordagi talab tahliliga ko'ra, SUV rusumli avtomobillar 61,7 foizlik ulush bilan yaqqol yetakchi bo'lib turibdi. Ulardan keyingi o'rinlarni sedanlar (22,3 foiz) hamda hetchbeklar (15 foiz) band qildi. Dvigatel turlariga kelsak, benzinli avtomobillar 189 676 dona va 48,1 foiz ulush bilan birinchi o'rinda bormoqda. Gibrid transportlar bozori 27,7 foiz ko'rsatkich bilan kengayib borayotgan bo'lsa, elektr avtomobillar ulushi 15,2 foizni tashkil etdi. Bunda 160 kilovattdan past quvvatli elektromobillar asosiy qismni (12,7 foiz) egalladi.

Brendlar kesimida Renault ham besh oylik, ham may oyi natijalariga ko'ra birinchi o'rinni egalladi. Toyota o'tgan yilga nisbatan savdosini 60 foizga oshirib, ikkinchi pog'onaga ko'tarildi. Shuningdek, BYD may oyidagi faolligi evaziga beshinchi o'ringa chiqdi, mahalliy TOGG esa may oyida o'ninchi o'rinni egalladi. Model reytingida esa Renault Clio (4 395 dona) birinchi o'rinni band etgan bo'lsa, undan keyingi pog'onalardan Fiat Egea Sedan, Togg T10X, BYD Seal U va Volkswagen Taigo o'rin oldi.